匠工房秀吉 (已結業)

去一田時行過咁多次都想試, 今晚搵個機會約人嚟food count試一試, 不過就超多人排隊, 平時要等咁耐的舖頭我係唔會等的, 但今次真係想睇下佢係咪真係咁好食, 所以點都要等下~其實佢選擇唔多, 不過我第一次食, 就覺得花多眼亂, 第一次試, 就貪心少少, 叫個三拼試下~   炒麵 好似早餐食果d炒油麵咁, 麵質林咗d, 好彩有d菜絲, 感覺上冇咁油膩~  燒餅好有驚喜, 開頭由邊開始一啖一啖食, 都係菜同粉漿, 但食到近中間, 原來面頭果塊係煙肉, 因為佢比d木魚遮住, 完全睇佢唔到, 塊煙肉煎到好香脆, 我平時唔食煙肉的, 怕佢肥, 但佢煎到乾哂, d肉好脆口, d肥膏都唔油膩, 面頭亦好有心機吱d沙律醬, 幼幼的又滿滿的~  章魚丸有4粒, 一口咬開, 中間一大粒章魚粒, 但外圍係空心的, 唔會成粒都係粉, 粉團只係外圍, 中間只有1粒章魚粒, 咁咪唔會飽濟啦~  檸檬茶汽水機貨色, 呢度全部飲品都係汽水同檸檬茶, 冇其他選擇, 因為佢係要+$4, 所以唔飲汽水的話, 可以連4蚊都慳返