九鬼居酒屋 (耀華街)

營業中

休息中

三連假，緊係要約下人食下好野。行過見到銅鑼灣呢間九鬼居酒屋，咁啱唔使等位一於試下，又幾好食喎。頭盤先黎個磯煮鮑魚，煮得夠入味，酒味都幾香，仲有幾粒三文魚籽。蟹味噌配鱈魚片同青瓜食，又幾正。雞泡魚乾點芥辣沙律醬，佐酒一樓。主食揀左練梅烤野雞，微酸既梅味同雞肉幾夾。炸串就食左爽口彈牙既磯煮鮑魚，幾香口既牛舌，肉味重又夠淋冇乜筋既牛肩肉，同脆卜卜既鰻魚。炸粉係用山藥黎做，夠脆又冇咁熱氣，食多幾串都冇問題啦。最後食埋個關東煮：有竹輪，厚揚豆腐，福袋年糕，同一本食到既一樣呀！飲返杯sapporo，食住美食渡過既假期，就係幸福既假期。