影片
更多
2008-12-04
11月份幫襯過兩次：第一次係週末，住寶琳站的街坊都知逢週末新都成1-3期各大酒樓有幾 "虛陷"啦。推著小狗好不容易見到有門口位就飛埋去，兩位唔該。郭小姐勉強的笑一下就給那張抬我們。看了menu就order兩個set dinner... 由於坐得很近他們落單的order machine，等食物時就聽到員工爆晒粗，都係因為工作掛...，但對於客人來說就幾影響啦，邊食邊聽你地"炒蝦拆蟹"。食物終於到啦，時間都ok，order的set dinner 係牛柳 同 一個松露汁意粉。quality算係好；但因坐在路口，所以食埋甜品 (not too special) 就拿拿聲鬆人。第二次係平日，同老婆放工都夜啦，8點九返到寶琳，想起佢地個menu好似幾多野未試過，於是又再去。眼見客人小貓三幾隻，所以入坐時就話想坐卡位， waiter姐姐話，六人抬黎架，唔好意思，你們都係坐兩位抬啦...，我地話，但係宜加都無人等位，咁多卡位...，姐姐重申一次她們的立場! 吹漲。諗著算啦，來食野又唔係來 "圾氣"，就點了大大個印在table mat那set 黑松露牛柳野菌飯同兩個小食，a)瑞士雞亦，b)豆士鯪魚油墨菜
第一次係週末，住寶琳站的街坊都知逢週末新都成1-3期各大酒樓有幾 "虛陷"啦。推著小狗好不容易見到有門口位就飛埋去，兩位唔該。郭小姐勉強的笑一下就給那張抬我們。
看了menu就order兩個set dinner... 由於坐得很近他們落單的order machine，等食物時就聽到員工爆晒粗，都係因為工作掛...，但對於客人來說就幾影響啦，邊食邊聽你地"炒蝦拆蟹"。
食物終於到啦，時間都ok，order的set dinner 係牛柳 同 一個松露汁意粉。quality算係好；但因坐在路口，所以食埋甜品 (not too special) 就拿拿聲鬆人。
第二次係平日，同老婆放工都夜啦，8點九返到寶琳，想起佢地個menu好似幾多野未試過，於是又再去。眼見客人小貓三幾隻，所以入坐時就話想坐卡位， waiter姐姐話，六人抬黎架，唔好意思，你們都係坐兩位抬啦...，我地話，但係宜加都無人等位，咁多卡位...，姐姐重申一次她們的立場! 吹漲。
諗著算啦，來食野又唔係來 "圾氣"，就點了大大個印在table mat那set 黑松露牛柳野菌飯同兩個小食，a)瑞士雞亦，b)豆士鯪魚油墨菜鍋，兩者都ok，a)的雞亦太大隻啦，得3隻，情願細隻d比夠5隻仲好啦。
講番個黑松露牛柳野菌飯，賣相靚，差d拔出手機影番張。飯身和汁份量味道好，塊牛柳*呢？精彩囉...，首先，用刀切唔開，於是懷疑係把刀太鈍；叉起塊牛柳*用原始人方式，嘗試用牙去bite，都係失敗，老婆話，唔係掛，收成80幾蚊，無理由，等我試下...，都係一樣。
於是就叫waiter姐姐埋來，點知又係頭先唔比我地坐卡位那個。唉，同佢講話塊牛柳好韌，切唔開，bite唔入，佢話：無理由喎，無可能格，係唔係生得滯呀？客話生得滯整熟d就試過(我心諗，落order又唔見你問人要煮幾成熟？)，我地話真係架，d 飯ok，只係塊野真係唔得喎，拿你睇，兩塊我地都無食過...，佢好無奈地說：咁，要唔要煮熟d呀？(大佬呀，咁韌關熟唔熟屁事咩)。我地話，唔要啦，都唔係因為生得滯個d韌，而係塊肉根本就係唔掂，(你真係當人未食過牛柳咩) 轉第二款得唔得呀？佢免為其難咁話好囉，(換左個甚麼帶子xx飯，心諗實穩陣...有下文)。隔一陣，走過來話，同廚房反映左啦，半句sorry或者唔好意思都無講，大佬呀，家陣個市好好咩，駛唔駛我教你點keep客呀，大姐。
甚麼帶子xx飯黎啦，一如個黑松露牛柳野菌飯*，賣相甚靚，叉粒帶子試下先，咦，淡謬謬...老婆話點味呀，叉舊比佢試，即刻貶咀。唉，算把啦。
結果：列入black list。希望老板認真檢討你們是否用心去經營，地點無問題，在將軍澳住的家庭消費力一點也不低，只要你能否提供貼心和合理質素的食物，保證你好似聰嫂甜品咁，晚晚門口排晒隊。仲要勤力d去review員工態度，唔信試下搵老友辦客，你就知道事實了。
*：這個餐應該叫做黑松露"牛筋"野菌飯
張貼