超羣麵包西餅 (金寶樓)

營業中

休息中

超羣平日宣傳唔多，但成日聽人講好正！呢日買咗超羣嘅紫薯大福😍ig成日聽人講話好味，果然無講錯，係真係好-好-食‼️外層糯米皮沾滿大量紫薯粉，紫色的賣相極之誘人，而大福皮依然好糯，食落煙煙靭靭之餘又非常軟熟。入面嘅紫薯餡充滿天然香甜，唔會話味道好人工，咬落仲有大量紫薯粒，更有口感，聽講仲要係用日本紫薯粒添，好揼本！雖然價錢極平，只係$8一個，但完全無將貨就價，餡料飽滿又足料，而且size有差不多成個手掌咁大，性價比好高。