點心棧 (已結業)

早前有雜誌介紹全香港點心，一早已經想試，今次終於有機會，先去呢間旺角呢間點心棧。 入到去個裝修唔錯，燈光足，而且寬敞，坐得好舒服。佢牆上放咗d 茶葉茶壺，好靚，好夾，好舒服。我地叫咗鮮蝦腸粉、奶皇包、腐皮卷、XO鳳爪、雞扎、鵪鶉蛋燒賣同埋牛肉球(但係唔知點解係咪部手提有問題影唔到……) 我最鐘意就係鮮蝦腸粉，佢拉得好通透，食落好鮮味。XO鳳爪可以再辣d。雞扎太油，其實可以唔駛連雞皮一齊蒸。其餘普普通通，但係有樣好就係佢地出點心都係好熱，呢樣比起其他點心店稍勝一籌。