龍點心 (Eastcore)

營業中

休息中

好少去觀塘食嘢，朋友同我一樣都鍾意食中式點心，通常都係去開太子嗰幾間點心鋪，今日住觀塘嘅朋友介紹呢一間龍點心，佢話同傳統點心店好唔同。點樣唔同呢？一行入去，成間舖都好colorful，成間舖嘅氣氛係好繽紛，玩味十足，午飯時間都幾多人，都係區內寫字樓放lunch食飯居多。叫咗一個點心拼盤，都唔記得邊樣打邊樣，總之粒粒都好多顏色，味道係好嘅，嚟得呢啲特色點心舖食嘅唔單止係味道，仲係視覺同創意上嘅體驗。仲叫咗一個鹹水角唔記得影相，係一個個圓形波波，有橙色同綠色，熱辣辣又脆又好食，仲有一客炸春捲都好唔錯。整體食物水準係高嘅，只不過午飯時間人真係太多，比較嘈吵，傾計就唔太適合。