影片
更多
2016-06-20
306 瀏覽
一打開餐牌出現最多既字係"年糕". 心中浮現一條條圓形韓式年糕個樣, 想像唔到蛋糕, 雪糕, 甜品點樣加入韓式年糕而又好食呢. 冰雪公主既餐牌內有咸點, 麵食, 炸物及甜品. 因我地已吃飽飽, 所以就只叫甜品. 不過我地見隔離枱既炸物都幾吸引. 佢地既甜品份量足, 賣相吸引. 仲好大方擺左好多board games任玩. 此舉香港好多地鋪都做唔到, 怕你唔走佢就翻唔到枱. 我地今次無玩.....下次啦!!!我對個年糕咁好奇, 明明好飽都點來試下. 我點左黑芝麻年糕雪花, 原來係好似日本果D mochi既東西, 係四方形椰果咁大粒, 外面啡色可能係黃豆粉, 不過就無mochi咁軟熟. 咁細粒一來就唔驚會好飽, 2來又唔係用韓式年糕咁夾硬. 成件事好夾, 對我來講好有新鮮感而且好和諧. 下面既雪花好soft, 真係軟林林, 唔係台灣果種刨冰. 朋友食左一座, 係一座爆谷雪糕 . 個雪糕有成呎長外面"痴"滿爆谷. 睇見都飽飽地. 朋友話個雪糕少少空心既但最後都只食到一半. 所以我建議你最好同人share, 唔好o徙野. 杯底有caramel, 所以淨
冰雪公主既餐牌內有咸點, 麵食, 炸物及甜品. 因我地已吃飽飽, 所以就只叫甜品. 不過我地見隔離枱既炸物都幾吸引.
佢地既甜品份量足, 賣相吸引. 仲好大方擺左好多board games任玩. 此舉香港好多地鋪都做唔到, 怕你唔走佢就翻唔到枱. 我地今次無玩.....下次啦!!!
我對個年糕咁好奇, 明明好飽都點來試下. 我點左黑芝麻年糕雪花, 原來係好似日本果D mochi既東西, 係四方形椰果咁大粒, 外面啡色可能係黃豆粉, 不過就無mochi咁軟熟. 咁細粒一來就唔驚會好飽, 2來又唔係用韓式年糕咁夾硬. 成件事好夾, 對我來講好有新鮮感而且好和諧. 下面既雪花好soft, 真係軟林林, 唔係台灣果種刨冰.
朋友食左一座, 係一座爆谷雪糕 . 個雪糕有成呎長外面"痴"滿爆谷. 睇見都飽飽地. 朋友話個雪糕少少空心既但最後都只食到一半. 所以我建議你最好同人share, 唔好o徙野. 杯底有caramel, 所以淨番D雪糕攪勻食, 否則食到最底會太甜.
雖然鋪頭都幾忙而且整甜品同樓面都係年青朋友仔, 但又run得幾好播. 個個都好熟自己崗位, 又歡容. 柯打無耐所有野都到齊, 又有自助水吧. 價錢又十分合理. 食野時既氣氛好緊要, 特別係食D咁kawaii既甜品果時.
我比85分. 唔錯既韓式甜品體驗, 價錢, 質量, 座位, 服務都好. 值得推薦!!!
張貼
