So Bar (已結業)

又有FD到香港旅行，特登book咗so bar同佢吹水。入到餐廳，FD都幾surprise,估唔到尖沙咀市中心，都有哩啲咁特別啲餐廳。Sunset，以桃味為底味，加入橙汁，蔓越莓汁等多種果汁調味，飲落好香果味同埋好清爽。Heart Beat, 好靚嘅一杯cocktail，飲落唔會好甜，西瓜味中透出淡淡酒味，好特別。燒豬頸肉，估唔到勁大一份。豬頸肉燒得好香口，預先醃制過，唔洗點醬已經好夠味。今次嘅豬頸肉帶咗少少肥肉，食落唔會膩不過好脆口，好食。雞串燒拼盤（燒雞皮，燒土匪雞肉串，地獄麻辣雞肉串），地獄麻辣雞肉串真係勁辣，超過XX米線辣度5!雞皮串用咗少少鹽調味，土匪雞肉同地獄麻辣雞肉，用咗自家制辣醬調味，食落好惹味。油封鴨腿拼煙熏腸，鴨腿皮脆肉嫩，食落好鹹香。煙熏腸真係好重煙熏味道，唔錯。伴碟仲有一大碟炒雜菜同薯角。雜菜好夠鑊氣，落咗大量蒜蓉炒制，好惹味。食完慢慢同FD吹水，仲要冇人追住買單還台，真係好chill！