影片
更多
2019-05-31
87 瀏覽
蠔灣位於尖沙咀嘉蘭圍，比較僻靜。舖面唔算好大，一入門口就係吧枱，裝修以黑白顏色為主，加上暗暗嘅燈光，係典型高級西餐廳嘅感覺。店內枱數唔多，店員人數亦都唔多，食物逐張枱做，所以都要d等待嘅時間（等食好野我ok嘅！）基本上每一枱都會叫個自選海鮮拼盤，生蠔就必點嘅，再加其他海鮮，廚師會幫你擺好整整齊齊一盤，然後一上枱就即刻手機食先呢間蠔吧提供嘅海鮮種類真係好多，生蠔已經佔咗成頁menu！有選擇困難症嘅我哋係店員推薦之下叫咗六款生蠔、北海道活赤貝、北海道帶子同原隻活海膽Honey Point ($32/pc)Chile Montt ($32/pc)Lambert (No.1 $49/pc)Majestic (No.1 $49/pc)La Perle Noire ($39/pc)Gillardeau ($59/pc)生蠔嘅擺法原來分咗次序，店員教我哋由最細隻嘅Honey Point開始順時針咁食。第一次一次過食咁多款生蠔，跟住次序食真係會食得出每款蠔嘅味道同口感都有唔同架！個人最中意Gillardeau，蠔肉肥美結實，食落帶點爽口，味道十分鮮甜，嗰陣「鮮」氣係口腔久久不散，不愧生蠔中嘅勞斯萊斯！
Honey Point ($32/pc)
Chile Montt ($32/pc)
Lambert (No.1 $49/pc)
Majestic (No.1 $49/pc)
La Perle Noire ($39/pc)
Gillardeau ($59/pc)
生蠔嘅擺法原來分咗次序，店員教我哋由最細隻嘅Honey Point開始順時針咁食。第一次一次過食咁多款生蠔，跟住次序食真係會食得出每款蠔嘅味道同口感都有唔同架！個人最中意Gillardeau，蠔肉肥美結實，食落帶點爽口，味道十分鮮甜，嗰陣「鮮」氣係口腔久久不散，不愧生蠔中嘅勞斯萊斯！
Hokkaido Ark Shell ($78/pc)
原隻赤貝我又係第一次試，顏色橙紅，表面好有光澤，一隻分成四片，每片都幾厚身，咬落去非常爽甜，仲好食過其他日本餐廳嘅每人淺嘗兩片真係唔夠喉呀～
Hokkaido Scallop ($38/pc)
帶子係我最中意食嘅刺身之一，餐廳有嘅話我都一定會點北海道帶子size大又厚身，食落結實彈牙，係新鮮嘅象徵。可惜放係檸檬上面，吸收咗太多檸檬嘅酸味，蓋咗本身嘅鮮甜，呢到要扣少少分啦。
Sea Urchin ($168/pc)
原隻海膽放係拼盤嘅正中間上方，好似主角咁散發住誘人嘅光芒我哋小心翼翼咁夾起片海膽，一放人口就係脷面融化，然後成個口都甘香，真係同係日本食到嘅感覺一樣呀！
值得一提嘅係呢d凍海鮮全部都無配上醬汁，只有檸檬片，真係新鮮海鮮先會敢咁樣做，而食過之後我都覺得真係無需添加！
食咗個咁豐富嘅冷盤之後就到熱盤同主菜啦～
Foie Gras Toast ($198)
先黎個鵝肝多士！薄薄嘅多士烘到剛好酥口香脆，搽咗少少黑醋幫助去鵝肝嘅油膩，然後上面塊鵝肝嘅厚度係多士嘅兩倍有多，煎到表面金黃，外脆內軟，十分香口。不過鵝肝真係會有少少膩，少食多滋味，一人兩塊仔真係夠晒
Love Lobster Set ($688)
龍蝦都係我哋兩個嘅最愛！不過食原隻龍蝦太貴啦，所以我都係食下龍蝦包就算。但係今日豪開就決定豪落去啦！將隻龍蝦分屍，黎個龍蝦三味！
龍蝦刺身好似白玉般晶瑩剔透，咬落彈牙，但同帶子一樣放係檸檬上就變酸了......
龍蝦湯呈鮮橙色，就咁聞一聞已經好香龍蝦味，飲落creamy濃郁，微微辣十分惹味，加上啖啖龍蝦肉，飲每一口都會心微笑
最後係燴龍蝦意粉。最吸睛就當然係嗰兩舊起咗肉嘅龍蝦鉗，一啖食成隻鉗係幾咁過癮除左兩隻鉗都仲有好多肉架！彈牙龍蝦配彈牙意粉，食完會開心到彈起但係實在太飽，食晒d龍蝦肉剩咗好多麵，有點兒浪費啊！
張貼
