影片
更多
2020-04-15
829 瀏覽
【祥景茶餐廳】『九龍篇-深水埗區』茶記黎講，每個屋邨都有自己特色專有既茶記聚集一班老友記。本尊難得黎到海麗邨，當然要試一試佢專屬既茶記啦。本尊大大話話都食左二三十年茶記，經驗當然非常豐富(相信咁多位香港人都係)。先講講個環境，祥景同我平時食開既茶記環境明顯有分別，大家印象中既茶記都係逼逼夾夾，但係祥景竟然比到闊落既感覺比你，真係茶記黎講難得一見。我地一行五人都唔覺得逼，仲有地方擺埋袋。試茶記就必須要試試佢地既餐，咁有自信出得餐既，一定係覺得有番咁上下質素先放出黎比人食。所以我地就試左: 中餐–家鄉梅菜扣肉飯、快餐–咖哩雞球飯(包鮮茄腿茸湯)、焗飯餐 – 白汁海鮮焗飯及蕃茄牛肉湯飯。飲品方面，當然係要Try Try 佢既凍OT、凍啡同埋熱啡一試佢既茶底啡底。快餐真係名不虛傳，有SKY哥哥咁鬼快，基本上一叫就即上台咁濟。咖哩雞球黎講個汁係唔錯，正常發揮，唔係D咩特式咖哩，可惜既係雞球有浸雪藏雞既味道未消去，呢個位可以改善下。而個鮮茄腿茸湯後而有小許驚喜，茄味夠哂濃。可惜既係，D湯料有小小吝嗇，蕃茄腿茸都切到碎一碎先落湯，SIZE差唔多變左膠粒咁既SIZE。中餐–家鄉梅菜扣肉飯，都係正正常常
『九龍篇-深水埗區』
茶記黎講，每個屋邨都有自己特色專有既茶記聚集一班老友記。本尊難得黎到海麗邨，當然要試一試佢專屬既茶記啦。
本尊大大話話都食左二三十年茶記，經驗當然非常豐富(相信咁多位香港人都係)。先講講個環境，祥景同我平時食開既茶記環境明顯有分別，大家印象中既茶記都係逼逼夾夾，但係祥景竟然比到闊落既感覺比你，真係茶記黎講難得一見。我地一行五人都唔覺得逼，仲有地方擺埋袋。
試茶記就必須要試試佢地既餐，咁有自信出得餐既，一定係覺得有番咁上下質素先放出黎比人食。所以我地就試左: 中餐–家鄉梅菜扣肉飯、快餐–咖哩雞球飯(包鮮茄腿茸湯)、焗飯餐 – 白汁海鮮焗飯及蕃茄牛肉湯飯。飲品方面，當然係要Try Try 佢既凍OT、凍啡同埋熱啡一試佢既茶底啡底。
快餐真係名不虛傳，有SKY哥哥咁鬼快，基本上一叫就即上台咁濟。咖哩雞球黎講個汁係唔錯，正常發揮，唔係D咩特式咖哩，可惜既係雞球有浸雪藏雞既味道未消去，呢個位可以改善下。而個鮮茄腿茸湯後而有小許驚喜，茄味夠哂濃。可惜既係，D湯料有小小吝嗇，蕃茄腿茸都切到碎一碎先落湯，SIZE差唔多變左膠粒咁既SIZE。
中餐–家鄉梅菜扣肉飯，都係正正常常，又未去到好食到嘩一聲既味道，可能量產既關係，所以似係普通豬肉梅菜飯既質素。
焗飯餐 – 白汁海鮮焗飯反而係餐廳最出色既麵飯，雖然等左15~20分鐘，但係都值既，可以睇得出係即叫即整。海鮮就有一塊魚柳、細蝦粒、魷魚粒及蟹柳等等。芝士味濃，上台既時候仲見到D芝士同埋白汁係到翻滾，誠意分十足。飯底係炒飯底，不過係似鬆散加蛋既白飯，完全無獲氣可言，相較其他茶記既焗飯有D遜色，材料黎講依然係吝嗇。食落味道係可以既。
最後就係蕃茄牛肉飯，湯飯黎講就比較淡味，茄味唔夠濃郁。相比起主打蕃茄湯通粉既茶記黎講真係差得遠，可能又都係吝嗇材料既關係令到味道較淡一D。
講完食飯就評論一下飲品，反而飲品可以發揮出水準。茶底夠濃，啡亦都夠香，可能飲品不受材料所限制可以發揮出應有既水準。如果飲番杯野，老友記打下牙骹既話係值回票價既。
總括而言，祥景因為係整個屋邨之中比較有質素既食肆，所以都算係半獨市生意。無競爭就無進步，所以本尊行十多分鐘出競爭非常之大的荔枝角工業區，茶記林立，無論價錢及質素都比祥照CP值更高，所以如非必要可以行多幾步出去搵搵其他CP值更好的茶記，希望海麗邨將來會有更好質素既食肆令祥景茶餐廳發奮進步。
各位鍊金術士有興趣都可以試下，歡迎PM 交流下。
識食‧你都會係食の鍊金術士
焗飯餐 – 白汁海鮮焗飯 加 熱咖啡
$52
91 瀏覽
0 讚好
0 留言
蕃茄牛肉湯飯
$43
54 瀏覽
0 讚好
0 留言
快餐–咖哩雞球飯(包鮮茄腿茸湯) 加 凍啡
$46
62 瀏覽
0 讚好
0 留言
凍檸茶加凍啡
$38
59 瀏覽
0 讚好
0 留言
中餐–家鄉梅菜扣肉飯
$50
52 瀏覽
0 讚好
0 留言
鮮茄腿茸湯
$46
38 瀏覽
0 讚好
0 留言
題外話/補充資料：
下單食物包括:
1. 中餐–家鄉梅菜扣肉飯 加 凍檸茶($50)
2. 快餐–咖哩雞球飯(包鮮茄腿茸湯) 加 凍啡 ($46)
3. 焗飯餐 – 白汁海鮮焗飯 加 熱咖啡($52)
4. 蕃茄牛肉湯飯($43)
評分 💯 (5分為滿分)
味道 : 👍👍👍(茶餐廳黎講質素一般)
性價比 : 💲💲 (相比其他茶記質素，價錢貴10~20%)
環境：🌴🌴🌴 🌴 (場地企理乾淨，空間夠大)
服務態度：🗿 🗿 🗿 (員工Respond夠哂快，禮貌一時時)
敗北地方：炒野唔夠獲氣，味道唔夠濃。
(以上食評乃用戶個人意見 , 並不代表OpenRice之觀點。)
張貼
