Amitie Kitchen (已搬遷) 新店位置

今日終於都約到一個好耐無見嘅好姊妹出嚟呀食飯，賴得老公同姊妹撐台腳。姊妹係九龍個邊番工，佢選擇左係尖沙咀個頭聚餐。餐廳嘅位置都有少少難搵，係一棟商廈入面，裝潢行簡約風。菜式嘅選擇有好多，花多眼亂，可以叫套餐又或者單點。2個女孩子食量唔係好大，叫2個餐又感覺好似太多，所以最尾都係叫一個餐再加份牛扒。是日餐湯係南瓜湯，非常濃郁，又厚身！面包盤係附送嘅，我地好欣賞會焗番熱先上枱，熱辣辣嘅面包特別好食！黑色個塊食落似餅乾質地脆身嘅，味道帶點辛辣。紅鯖魚沙律魚塊好大件，煎得好嫩滑。沙律菜非常新鮮，餐廳亦標明係全用水耕種植！香煎8oz西冷賣相煎得好靚，我地叫左五成熟，切開非常粉嫩，咬落去啲肉汁湧出嚟，姊妹大讚非常好食！焗燒大啡菇，焗釀帶子，虎蝦意大利飯伴龍蝦汁呢個嚟到同我地嘅想像中不一樣，不過擺碟幾靚。意大利飯釀入大啡菇食法原來都幾食，海鮮煎得幾香脆，唔好以為睇落份量唔多，但食落其實都幾多飯嫁，夠曬飽有餘！餐飲坐下坐下都全場滿曬，有好多枱都似係幾個好朋友嚟聚餐，所以最尾個環境變得無甘靜。