沙嗲軒 (中港城) (已結業)

今日係姊妹聚餐生日飯，揀左位於尖沙中港城內嘅沙嗲軒。 當時訂左7點半嘅位，去到只係得幾台人係度，幾安靜一坐低就上左一兜卜卜脆片,微辣香口，不自覺食唔停口是日5個人，決定叫個新年套餐，另再加幾款小菜。先上肉骨茶，味道香濃，肉排好林身，好味好補身嘅感覺!再上啦沙湯面，湯好好味，入面有蝦,魚旦，豆卜等，正新年要撈起🔥， 材料新鮮，有8款醬汁俾你自己撈， 要好好控制落醬汁嘅多少，好影響碟撈起嘅味道，啲羅卜絲頗吸汁，建議慢慢落，不夠味先加再上個麥皮蝦，超級好味!!!好味到連蝦壳都炸到卜卜脆，可以食埋!!!黎多個炒羅卜糕粒，味道頗濃，野味之選，不過羅卜糕可能太細粒，所以太林!!食完啲濃味野，即刻要整返杯青檸梳打，爽!再上雞牛豬串燒3兄弟，味度不錯最尾上多個炒芥蘭作結，菜嫩好味!!今餐真係大滿足，過個肥年