Fuse Creations (已結業)

又到好姊妹聚會嘅時候了。今次揀咗一間蘇豪區新開小店，食物好精緻，樣樣細細件，細細碟，最適合女士們保持苗條身材的好選擇。各人先來個開胃沙律，有蔬菜、有巴馬火腿，醬汁是自家秘製的羗汁，中西配合，醒胃。煙燻雞翼的骰可愛，賣相都好吸引。雞肉嫰滑，有微微的煙熏味，少吃多滋味。各人點了自己喜歡的拉麵。我就鍾意豬骨湯底，所以招牌拉麵就最啱我啦。湯底唔算太過濃厚，我覺得更加好，少了一份油膩感。原來拉麵又是自家製，麵質都幾爽口。叉燒有驚喜，一塊圓一塊方，用了兩種不同醃製方法, 是日式和中式的口味。我自己比較喜歡日式那做法，肉質香濃軟腍。流心蛋效果亦相當不錯。甜品是女仕們不能抗拒，自家製的海鹽雪糕出場了，奶味重，海鹽的鹹味漸漸在口腔徘徊，頗特別。其實不要少看份量，食下食下都好飽好滿足。