影片
更多
2020-11-03
45 瀏覽
<姊妹Talk x 發哥粥底海鮮火鍋>觀塘火鍋店-發哥粥底海鮮火鍋：龍蝦🦞餐$288 + 海蟹餐$248 +茶介&醬油$30一位_終於😆終於😆終於可以出山，嚟個Girl Talk ，食一直喺口袋名單位於觀塘嘅發哥粥底海鮮火鍋，同姊妹來個二人小約會👭🏻_值得一讚嘅係發哥依度衞生情況有別於一般食放題邊爐嘅舖頭，依度環境超級闊落，空間感十足，喺疫情下有種安心打邊爐嘅感覺☺️ P.S問左老闆先知原來依度早市同午市喺冰室，夜晚先會搖身一變成為發哥🤓_包包認真說的收$288食海鮮粥底火鍋真係CP值高嘅，一坐低達哥就話出面嘅飲品雪櫃任飲到12:00，一打開竟然可以成樽竹蔗茅根同日本果汁波子汽水拿埋位飲😚，出面醬料區都齊晒基本野有蔥、芫荽、泰國辣椒、蒜蓉、豉油，如果有埋芹菜就perfect🤣_前菜方面先嚟個燉湯，飲得出有火喉足料豬肉味濃，飲完喉嚨好舒服冇味精嘅，之後再試吓個小食蒜蓉青瓜，蒜味夠可以再落多少少醋吊一吊味更開胃，之後再整多每人2隻蒜蓉焗泰醬青口，認真😂細食嘅朋友仔可能食到依到就飽咗5成🤣_嚟到主食重頭戲😎，包包同閨蜜就分別叫左龍蝦🦞餐＄288（每位半隻）同海蟹餐$248（每位
觀塘火鍋店-發哥粥底海鮮火鍋
：龍蝦🦞餐$288 + 海蟹餐$248 +茶介&醬油$30一位
_
終於😆終於😆終於可以出山，嚟個Girl Talk ，食一直喺口袋名單位於觀塘嘅發哥粥底海鮮火鍋，同姊妹來個二人小約會👭🏻
_
值得一讚嘅係發哥依度衞生情況有別於一般食放題邊爐嘅舖頭，依度環境超級闊落，空間感十足，喺疫情下有種安心打邊爐嘅感覺☺️ P.S問左老闆先知原來依度早市同午市喺冰室，夜晚先會搖身一變成為發哥🤓
_
包包認真說的收$288食海鮮粥底火鍋真係CP值高嘅，一坐低達哥就話出面嘅飲品雪櫃任飲到12:00，一打開竟然可以成樽竹蔗茅根同日本果汁波子汽水拿埋位飲😚，出面醬料區都齊晒基本野有蔥、芫荽、泰國辣椒、蒜蓉、豉油，如果有埋芹菜就perfect🤣
_
前菜方面先嚟個燉湯，飲得出有火喉足料豬肉味濃，飲完喉嚨好舒服冇味精嘅，之後再試吓個小食蒜蓉青瓜，蒜味夠可以再落多少少醋吊一吊味更開胃，之後再整多每人2隻蒜蓉焗泰醬青口，認真😂細食嘅朋友仔可能食到依到就飽咗5成🤣
_
嚟到主食重頭戲😎，包包同閨蜜就分別叫左龍蝦🦞餐＄288（每位半隻）同海蟹餐$248（每位半隻），入面可以先揀新鮮鮑魚或冰鎭鮑魚，由於想試晒兩款鮑魚，所以叫哂😂先講冰鎭鮑魚，咬落有淡淡梅酒味，如果真係有冰鎮住個鮑魚上會更上一層樓😋，而個鮮鮑呢？放落粥水度煮，食得出喺新鮮嘅，口感夠彈牙🥳
_
話明粥底海鮮，依度仲包左6款靚海鮮，包括：聖子皇丶貴妃蚌、多寶魚丶黃金蜆丶海蝦丶時令貝，店員會好細心咁逐樣講你知每樣海鮮需要烹製幾耐☺️等D海鮮唔會過老，umm如果可以有埋Timer 比每一枱就更加好😝唔駛拿部電話計住🤣
海鮮表現不錯，唔會有沙同發臭，size 亦正常，海鮮殼都清理得好乾淨，其中龍蝦肉質鮮嫩，唔會有雪味👍🏻，抵讚$288依個質素，絕對收貨👏🏻至於個安格斯牛肩肉，由於包包戒左牛牛，Sis 表示油花分布都可以，唔錯嘅😊
_
食完海鮮同牛肉個胃已經接近滿左8成，絕對建議大家可以一路傾計一路慢慢食，講下理想，聊下近況，有助消化🤣，因為每枱仲可以喺58款火鍋配料入面揀8款😋，今次就揀咗火鍋必食皇帝菜、日本豚肉、蘿蔔、自家雲吞、順德釀冬菇、脆鯇骨腩片、多寶魚、萵荀。其中入面包包力推皇帝菜，因為超級鮮嫩一D都唔老好難得，同埋自家製雲呑，食得出喺人手包皮薄入面餡料係鮮蝦為主😋
_
食到依度時候就要加入煮粥配料，入面有已經切都一粒粒嘅南瓜、芋頭，之後等佢哋溶到甘上吓，就加入粥膽，慢慢煮返個靚粥，最後就仲有菜圃丶芫荽同蔥比你任君選擇吊一吊味👍🏻
_
感想喺😛真係食到胃腩都突埋突嚟🤣歡迎各位大胃王喜歡粥底嘅朋友去發哥到挑戰吓🥳
張貼
