甜水 (已結業)

咁啱經過呢間糖水舖，有個大大綠色招牌，見到呢度選擇幾多，有經典款糖水、腐竹糖水、燉鮮奶、美顏糖水等，就打算試下， 最特別係見到呢個始創金銀燉鮮奶，好好奇究竟係咩呢，就叫咗兩款試下。桃膠椰汁雪燕平民燕窩！ 呢款糖水非常足料，桃膠同雪燕嘅份量好多，口感非常豐富。桃膠好彈牙，椰汁味好香濃，椰汁嘅份量啱啱好，唔會太甜，啱啱好。可以揀熱食或涷食，我自己偏向熱食， 覺得係最原味嘅。始創金銀燉鮮奶燉鮮奶就食過唔少， 金銀燉鮮奶真係未聽過，原來係有流心蛋黃係入面。有埋流心蛋黃，食落非常香，味道更加豐富。而燉鮮奶部份食落非常嫩滑，甜度適中。而且都可以揀涷食或熱食，非常推薦。