湘湘娘娘 (已結業)

今日嚟咗同事介紹嘅一間尖沙咀樓上川菜，餐廳格調高雅，大圓枱之間有木屏風隔開，私隱度高，儼如一間 VIP 房，自成一角。Orion，啤酒傾刻送到，啤酒順滑入喉，那麥香在口中傾刻爆發，並纏繞在舌頭之上久久不散，好啤。湖南長沙臭豆腐，臭豆腐真有夠臭，難得嘅係加上辣椒蒜頭芫荽以及辣椒油後仲能夠保持到嗰個香脆嘅程度，如果上枱嘅時候再熱一啲就會更加完美。重慶口水雞，經典嘅川式風味配以嫩滑嘅雞肉，成就咗呢一道重慶口水雞。蔥油拌麵，麵條口感爽彈，蔥油香蔥同麵條混和，香到不得之了，加上面頭嘅乾蔥點晴，好味。娘娘麻辣香鍋，香鍋配菜揀咗肥牛、鵝腸、花菜、金菇同粉皮，陣容鼎盛，份量豐富，配菜索盡咗幾種辣椒以及花椒孜然等嘅香氣，麻味超香，辣得過癮。