影片
更多
2022-11-10
1503 瀏覽
食物ok，性價比一般，但餐廳嘅營銷手法就有少少古惑。因為近美利酒店，上個月係紅棉包房搞咗場四十幾人嘅婚禮宴會，因為賓客主要都係年長嘅親戚，所以事前無訂任飲package(人頭$188)。由於當日比較忙，我遲咗30分鐘落到去，而賓客們都已經就座，去到嘅時候已經見到紅棉擺咗勁多jar果汁係房，啲waiters不停問d賓客需唔需要果汁，令到好多賓客誤會係免費嘅，所以好多都有要到。我當時以為經理誤會咗我地係任飲package，一問之下，原來係逐杯逐杯計緊(一杯橙汁未加一$68)，最離譜係，有個小朋友杯嘢都未飲完又再斟比佢！然後好快賓客們唔知點解知道咗呢件事，好多人都無再繼續飲落去。埋單嘅時候，因為好趕時間，再加新婚嘅喜悅，即使覺得紅棉咁嘅銷售手法唔太討好，本來打算由佢。但事後好多親戚都好替我覺得唔抵，搞到大家都好唔開心，佢哋講咗句說話：如果紅棉當日攞d貴價酒出嚟咁樣問d賓客，斟完再逐杯計，後果會係點？唔係比唔起錢，亦都唔係話紅棉做得唔啱，只係紅棉嘅手法真係有d奸。當紅棉要咁樣銷售佢地嘅汽水果汁之前，好應該要事先通知我一聲，但當然紅棉無咁做，仲要明知我無買任飲package，刻意收起drink
因為近美利酒店，上個月係紅棉包房搞咗場四十幾人嘅婚禮宴會，因為賓客主要都係年長嘅親戚，所以事前無訂任飲package(人頭$188)。
由於當日比較忙，我遲咗30分鐘落到去，而賓客們都已經就座，去到嘅時候已經見到紅棉擺咗勁多jar果汁係房，啲waiters不停問d賓客需唔需要果汁，令到好多賓客誤會係免費嘅，所以好多都有要到。我當時以為經理誤會咗我地係任飲package，一問之下，原來係逐杯逐杯計緊(一杯橙汁未加一$68)，最離譜係，有個小朋友杯嘢都未飲完又再斟比佢！然後好快賓客們唔知點解知道咗呢件事，好多人都無再繼續飲落去。埋單嘅時候，因為好趕時間，再加新婚嘅喜悅，即使覺得紅棉咁嘅銷售手法唔太討好，本來打算由佢。
但事後好多親戚都好替我覺得唔抵，搞到大家都好唔開心，佢哋講咗句說話：如果紅棉當日攞d貴價酒出嚟咁樣問d賓客，斟完再逐杯計，後果會係點？
唔係比唔起錢，亦都唔係話紅棉做得唔啱，只係紅棉嘅手法真係有d奸。
當紅棉要咁樣銷售佢地嘅汽水果汁之前，好應該要事先通知我一聲，但當然紅棉無咁做，仲要明知我無買任飲package，刻意收起drink menu, 趁我唔係到，係d賓客面前營造到d果汁係免費任飲咁，手法好黑心，好似係到屈錢咁，如果唔係當時唔小心比賓客們知道咗呢件事，從而佢地無再繼續叫嘢飲，後果真係不堪設想。
另一個伏位係，埋單嘅時候 無啦啦又要比多$1000醬油、前菜。
事前講過茶芥$28位，去到埋單嘅時候，茗茶$1204，無啦啦再入多近$1000醬油前菜，事後問返點解會有呢一千蚊醬油錢，佢話餐牌有寫(但勁細隻字寫係餐牌嘅最後一頁。)但重點係，點解問佢茶芥嘅時候，唔講埋呢d醬油、前菜收費，而淨係答我茶芥28蚊？ 呢個伏位都值得分享比大家留意一下。
PS 茶芥意思係茶、醬、前菜嘅合稱。
仲有其他小插曲，甜品荷花酥問都無問過就變咗木瓜酥(但我唔鐘意食木瓜) ，不過呢個係小問題。
錢財事小，但食完呢餐飯，搞到有d親戚食完又覺得唔安樂、唔開心事大，食物幾好食都無用。
雖然呢個唔係一個完美嘅結局，但已經過咗去，唯有接受佢，始終可能好多新人會係美利酒店出門，再到呢到宴客，拎呢個經驗出嚟分享，唔係想大家認同，只係比大家做個參考，等大家可以事前，可以問得清楚d 先再作決定。
張貼