影片
更多
2024-02-05
54 瀏覽
一直聽人講呢間餐廳好靚，而且食材烹調相當高質，今次親自嚟試下，果然唔錯！先提提餐廳嘅裝潢，唔同角落都好多打卡位，有啲似型格歐陸+波希米亞風嘅混合，好適合情侶或者一班閨蜜嚟食飯傾偈飲酒🍸，氣氛一流！一嚟到，枱上面已經有一個小小嘅浴缸裝住nuts!! 好脆好味😋 餐牌整得好靚，感覺好高格調，好多食物都想試，今次試咗：白酒煮藍青口配多士 （$198）一小窩嘅藍青口有好多隻，廚師加左食用花擺盤方便客人打卡，又配埋烘得非常薄脆嘅麵包片俾客人最後醮汁食，作為開胃菜都唔錯！香煎澳洲和牛伴鵝肝醬 ($498)呢個主菜個人覺得係必食❤️ 必食❤️必食❤️首先塊和牛本身質素好高，五成熟後肉質腍甜，而且油花充足、牛味濃郁。伴碟的黑椒醬汁好香，相比其他扒房嘅黑椒汁更顯廚師功架。旁邊仲有唧花整嘅鵝肝醬可以配合和牛食，再添另一番風味。水準媲美頂級扒房，個人非常推介！👍🏻👍🏻👍🏻加拿大「保濕」豬鞍配伯爵茶汁（$328）豬鞍上碟時附帶一片加拿大楓葉🍁，signature得來令人一見難忘，廚師好有心思❤️😊不過更難忘嘅係味道：平時豬鞍太厚，如果廚師做得唔好，就會嚡熠熠好難食。不過呢件兩吋厚嘅豬鞍，餐牌賣點係「保濕」。一切開，果
先提提餐廳嘅裝潢，唔同角落都好多打卡位，有啲似型格歐陸+波希米亞風嘅混合，好適合情侶或者一班閨蜜嚟食飯傾偈飲酒🍸，氣氛一流！
一嚟到，枱上面已經有一個小小嘅浴缸裝住nuts!! 好脆好味😋 餐牌整得好靚，感覺好高格調，好多食物都想試，今次試咗：
白酒煮藍青口配多士 （$198）
一小窩嘅藍青口有好多隻，廚師加左食用花擺盤方便客人打卡，又配埋烘得非常薄脆嘅麵包片俾客人最後醮汁食，作為開胃菜都唔錯！
香煎澳洲和牛伴鵝肝醬 ($498)
呢個主菜個人覺得係必食❤️ 必食❤️必食❤️首先塊和牛本身質素好高，五成熟後肉質腍甜，而且油花充足、牛味濃郁。伴碟的黑椒醬汁好香，相比其他扒房嘅黑椒汁更顯廚師功架。旁邊仲有唧花整嘅鵝肝醬可以配合和牛食，再添另一番風味。水準媲美頂級扒房，個人非常推介！👍🏻👍🏻👍🏻
加拿大「保濕」豬鞍配伯爵茶汁（$328）
豬鞍上碟時附帶一片加拿大楓葉🍁，signature得來令人一見難忘，廚師好有心思❤️😊不過更難忘嘅係味道：平時豬鞍太厚，如果廚師做得唔好，就會嚡熠熠好難食。不過呢件兩吋厚嘅豬鞍，餐牌賣點係「保濕」。一切開，果然肉汁充分，咬落更證實每啖豬鞍都好嫩滑，非常美味，估計應該係用慢煮技術製作而成！豬鞍下的紅黃椒煎得好甜，仲跟少少菜，保持健康。呢個主菜我又係勁推介！👍🏻👍🏻👍🏻
飲品方面，餐廳有wine, cocktail, mock tail，我叫咗一杯vodka底嘅blossom whisper，裏面充滿濃濃嘅櫻花味道，除了顏色靚，味道亦都好清新。朋友點嘅 sun of the peach，茶底頗濃，再滲入香濃嘅白桃味，兩杯都幾好飲🍸🍹
總括嚟講，呢間餐廳嘅性價比頗高，和牛同豬鞍都做到外面高級扒房嘅質素，但價錢比較相宜，仲要地點方便，希望佢哋保持到呢個質素🫶🏻😃😃 今次仲未試到甜品，希望下次可以日頭再嚟，咁就可以同閨密出埋天台打卡，享受一個完美嘅體驗❤️
張貼
