天扶良 (已結業)

喺銅鑼灣返工，周圍睇吓有咩好食，有同事話想食日本菜，呢間天扶良一直都係我既list，今日就一於去試吓。我們12點30半到，已經好多人，我們坐係bar枱，有個日本師傅即場炸天婦羅。個waitress 見到我們好迷惘就介紹比我們。最後我們想分別食到天婦羅同埋壽司，一人點左個自選16件。有介紹我們點一些時令的食才，咁我們就好期待食物。先有前菜，有蒸蛋，特別盛讚黑豆，好甜好好味。另外，日本師傅就根據我地點嘅天婦羅，每件炸，再一件一件上到我們前面的盤，我們急不及待就品嚐，真係好味到不能形容，去咗有蝦，不同時令既魚，天婦羅粟子係我們一致認同好甜好正。同平時既粟子係有分別。除咗天婦羅，我們重點左一個自選16件壽司set，都係一樣無得輸，蟹肉棒，海膽非常好食！最後，餐茶個杯咖啡都係好好好飲！一致認同，誠意推薦，呢個價錢食到即炸天婦羅，值得一試