武館 (已結業)

早前經人推薦，book左整個月終於有機會同朋友去呢間廚師發板的日本料理試一試，餐廳位置處於比較旺中帶靜的地帶，感覺好似去左一個隱世美食餐廳，入到鋪內，座位系L型Bar臺形式，可以近距離欣賞到主廚的一流刀工手藝，好似日劇中的居酒屋，多左一種食客與廚師之間的人情味。地方雖不大，但細節上有精緻的日式碗碟及酒杯作裝飾，乾淨樸實的環境令人感覺好舒服。終於來到重頭戲，一排排刺身從左至右開始慢慢品嘗，主廚亦好貼心的介紹每一道刺身來源名稱，每道都會帶出與眾不同的口感。河豚白子鷹羽鯛刺身第一次食用昆布醃製的墨烏賊及真鯛魚，仲以為用昆布會有少許腥咸，但食落口完全都唔覺，配上烏賊及真鯛魚的彈牙嚼勁，十分香口。赤身帶子壽司海菠蘿當然唔少得我的摯愛就系用紫菜包住的OTORO魚腩 及 中吞拿魚腩，肥美而不膩。整個就餐時間大約3小時，雖然很多魚類都不記得了，一道道細味品嘗，最後再以好似蜜瓜味的木瓜結尾，同平時出面的日式料理或放題好唔同，唔洗趕時間，亦唔怕叫得多食唔曬或食得太飽，一餐結束恰到好處。呢一餐！作為講究的一流日式料理，絕對值得再次光臨！