媽咪雞蛋仔 (已搬遷) 新店位置

媽咪雞蛋仔愈開愈多分店，草根城中最愛嘅雞蛋仔就係呢間，次次行開街見到都想買番底食，雖然佢有Keep住出新口味，但係朱古力味始終最穩陣今次去開紅磡就試左朱古力咖啡雞蛋仔 🐣因為係即叫即整，所以每次都真係要等番10-15分鍾先有，如果多人起上黎就仲耐....其實媽味雞蛋仔出品嘅朱古力 🍫已經公認好味，所以今次都係穩陣之選，有朱古力坐陣基本上都唔會差得去邊，估唔到加上咖啡 ☕又更加突出喎雞蛋仔真係有甜甜嘅咖啡香味，外脆內軟，唔會得個殼，Keep到水準呀!!!