來來重慶雞煲 (已結業)

媽咪生日,佢又唔想行咁遠,就係屋企樓下揀間餐廳,撞正星期日,怕人多要等位,所以6點就出門口。附近有好多餐廳,但當行過來來雞煲門口俾麻辣香味吸引,一家人就決定揀呢間幫襯。入座起計2小時,如果一大班朋友約埋想一邊打邊爐一邊吹水應該唔夠時間,好彩隔離都有幾間甜品店,仲有下場揀。既然限時,我地即ORDER一個招牌麻辣雞煲(小辣),跟住先叫其他火窩材料及飲品。啤酒好快上檯,但飲晒成支啤酒,差不多25分鐘先上個雞煲,俾D香味引左咁耐,真係成檯都係口水了。雞好入味,我諗一早用南乳炆過,勁多洋蔥,可能多過D雞,但食雞煲,呢D配料就是重要的配角。愈吃愈辣,已經不是小辣級數,不太吃不到辣的屋企人開始吃得辛苦,我們應該早一點拎走D大辣椒,同埋叫伙計加加湯,個爐又壞壞地,最高去到1000W,加完水又好難滾起。如果這間店有得ORDER一渣過得火窩飲料(酸梅湯/竹蔗水)就好,而店內提供$11/支鴻福堂的涼茶,而選擇少。店面細,店家唯有限時2小時希望外面等位既人唔洗等咁耐而佢又可以做多點生意呢個都明白,埋單走時8點正,外面已經企滿人等位了。