忘了收多少錢的前菜小食，超級鹹的花生，食左兩粒就放棄了。對面撘枱的小朋友食左半兜之多，不段叫口喝……食咁鹹真係對身體唔好架，尤其係小朋友。
等左廿分鐘倒嘅雞煲，要左唔辣。
芹菜好香好新鮮，雞嫩口，十分入味，秘制醬料鹹中帶甜，食後亦沒口喝，不錯。只要了半份，但雞嘅分量唔少，配料嘅洋蔥吸哂醬料同雞油，真係好鬼好味。雖然煲左好耐，但係啲雞肉無鞋，因為大部份都係雞肶肉。
豬皮，好適合雞煲打邊爐嘅，越煲得耐越吸得多汁，好好味架。
皇帝菜，一大盤上，十分新鮮，又係吸汁一流之物。
冬菇，同樣新鮮，大大隻，肉爽。
最後加多個烏冬，又係一大盤上，雖然食唔出係咩牌子，都幾彈口唔錯喎。
都係果d西蘭花、白菜仔、粉絲、蝦米、唐生菜等等, 味道ok, 但竟然有人唔好彩地咬到雞骨碎(見圖), 開頭仲以為係咬到沙, 點知吐出嚟是係硬的, 可能廚房劈雞時唔小心彈咗過去掛?
豆腐唔夠老, 仲好嫩滑, 個班腩都炸得幾脆, 而且唔腥, 仲有幾條菜仔tim~ 最好就係佢個芡唔係好杰, 唔會一pet嘢
炸得好脆, 啖啖肉, 因為佢係用咗豬扒, 如果我地叫生炒骨, 應該係連骨的排骨, 不過都唔錯, 可惜唔多覺有菠蘿, 反而洋蔥就好多, 仲好多塊tim~
個個都話辣, 搞到連少少都唔敢試
又係好似好辣, 我只係試咗個邊少少, 因為未掂到d辣油, 所以食落冇味, 只係知幾爽口
叫咗小辣, 可能同時好多枱一齊落單, 所以都等咗差不多半個鐘, 仲要追先有, 由於我怕辣, 但唔食就冇嘢食, 所以立即夾定幾舊雞先, 趁佢未入味~ 好彩d辣度我都仲接受到, 不過都要即刻叫汽水飲~ 
肥牛 -> 冇出面d酒樓咁肥, ok
豆腐皮唔夠香口, 而且唔係煲上, 冇咁正~
涼瓜ok, 但個牛肉可能用蘇打粉乸得太勁, 有陣味留低咗, 搞到唔好食
好香蝦醬味, 但鹹咗d
媽咪生日,佢又唔想行咁遠,就係屋企樓下揀間餐廳,撞正星期日,怕人多要等位,所以6點就出門口。
先送上一小碟酸瓜, 有紅蘿蔔絲、白蘿蔔絲和青瓜. 酸味普通不會太酸, 好醒胃.
本身想點一個炒菜但都要差不多五十元, 所以加多少少又有菜又有湯, 感覺上抵一點.
看到食評是水煮鱔, 但看到餐牌內是沒有的, 唯有點水煮魚, 誰不知是魚片, 起初看見價錢便宜, 都已知不會是正宗, 先說味道是不夠的辣味一般, 配料金有牙菜, 但魚竟是魚片, 是十分十分多骨, 下單時問了待應是什麼魚她說是鯇魚, 但沒有說明是魚片, 如我知道是魚片我不會點選, 雖然這些魚片媽媽滾芫茜魚片湯時我都會吃, 但在水煮魚內吃魚片, 是吃得不夠盡情, 實在太多骨了~~
由於相公很怕骨所以水煮魚他只是吃了兩、三片, 另點了他最愛的白肉. 賣相不錯, 有些辣椒和中間的一大堆生蒜
先從小食著手, 只見紅油類的選擇佔了近八成, 但始終不能不顧著同行者, 只好點選較溫和的酸辣鳳爪($38)。 成品用大量的辣汁浸住, 再加上極多的蒜蓉和辣椒, 可是醋和魚露調配不均, 咸味過盛, 辣度則屬一般, 還是喜愛酸辣帶甜的口味。 鳳爪看似很實, 卻又夠爽身, 一咬便離骨, 不會硬綁綁, 只可惜調味汁只停留於表面, 完全不夠入味。
很快便輪到萬眾期待的雞煲($138/半隻)出場, 一掀開煲蓋, 就聞到陣陣醬油和酒香。 鍋底非有一片紅油在面頭, 滿佈辣椒乾, 反而是混加大量洋葱和薑片, 落單時店家主動提問是否需要芫茜, 雖不愛吃但又覺得是必須的, 足以提升整體味道。 另一特別之處就是不會有花椒的存在, 所以入口有微微的辣, 沒有發麻的感覺。 半隻份量也有不少雞件, 足夠二人分享, 不同的部位如雞腿、翼和胸都有齊, 不會大多是骨頭。 經過明火不斷滾著, 生怕雞肉變得粗鞋難嚼, 但入口竟是結實得來而不韌, 就連雞胸肉亦如是。 湯底的醬油味香濃, 有點像磨豉醬, 皆因放入洋葱, 甜味突出, 很忍手地選了小辣, 辣度不算明顯。 
在物價日益高漲的情況下, 白鱔片($58)仍只賣數十元, 可算十分合理了。 魚肉不會薄得像張紙,, 有一定的厚度。 最初剛加湯時, 還未夠濃縮, 便放入魚肉, 未免較淡口。 其後待湯底滾剩一半時再灼, 效果便好得多, 爽彈之餘又嚐出鮮味。
蜂巢冰豆腐($25)永遠都是頭幾號至愛, 每次吃麻辣鍋總會有它的存在。 經冷藏過後再解凍, 內部組織變得粗疏, 就像海綿一樣擁有超強的吸濕能力, 軟綿又彈彈的, 不會一夾就散。 甫放進鍋裡頭, 不消一會已由雪白變成火紅。
薯粉($18)為四川特色麵食, 對於我亦是不可缺的。 一向覺得這是種甚為奇妙的東西, 經加熱後會逐漸變得透明晶瑩, 這家所用的品種需要淥上好一段時間, 太短恐怕會過硬咬不開, 我都是試過幾次才掌握到技巧。 沒想到最後竟可將一整籃粉吃光, 只因它完全將湯底精華吸收, 令人欲罷不能。
是晚八大兩小再加寶寶，一行11人在兩張方檯併起的餐檯坐下用餐。雖是吃火鍋為主，店內也有提供小菜，而場內油煙不算厲害，寶寶起初也乖乖就坐，後來則...
是晚主角是雞煲，我們點了大的，價位好像是$178。為了遷就不太能吃辣的爺爺嫲嫲，這次只點了小辣，香辣味不夠突出，未夠過癮，雞肉本身又無特色，令人有點失望。
當雞煲吃到差不多，可叫店方加湯，變身火鍋來煮其他食物，是晚為了逗寶寶（詳見最後的video!）沒有逐項拍照了。初吃雞件淡貿貿，原來後來才越煮越辣，中段的藕片、蘿蔔慢慢開始來料，去到最後煮生菜，則是最火辣刺激!
當晚除了雞煲，又點了雙色魚頭來滿足嗜辣老公。這其實是湘菜，由泡辣及剁椒調味而成，帶來風味迥異的不同辣味感受；當晚版本減了點辣，然而味道還不錯，魚肉又夠嫩滑，而且份量很大!
老人家中有不能吃辣的，當晚又點了不少小菜；其實這裡的小菜價位只是$50-68，頗抵食，首先是咸魚味極重的魚香茄子煲，撈飯吃很香口，媽媽頗喜歡。
豆腐班腩煲也是媽媽心水，當中的豆腐很香滑，班腩也入味而嫩滑。
苦瓜炒蛋就太淡而無味了，是忘了下鹽嗎?
咕嚕肉的肉質較削，又不夠脆，也是一般。
最後的雜菜粉絲煲也是清淡，吃來卻有陣鮮味，不同的雜菜份量又足，估不到不錯呢!
雖然重點的雞煲沒有預期中的美味，但就勝在抵食，當晚再加上十個白飯，埋單都是$800有找! 其他食友有興趣的，下次也可以返兜，試試大辣的雞煲水準如何。 
影片
