媽咪雞蛋仔 (已搬遷) 新店位置

雞蛋仔是我最愛的街頭小食。自黃埔站開了之後，成條街都勁多野食，簡直換了面目! 這間舖更是零舍多人，於是加入排隊行列。店面貼滿了各款雞蛋仔，基本上都超過20蚊。抹茶控冇奶油唔揀抹茶雞蛋仔呱，盛惠22蚊22蚊一底雞蛋仔真係好貴，同時等左將近10分鐘，製作相當慢。不過雞蛋仔實在高質，卜卜脆，外表夠硬淨，中間有彈性，搣下一粒搣下又一粒，食得超快。抹茶味足，稍有回甘之感。不甜。味道不錯。美中不足是中間空隙相當大。而且出爐連著好多焦皮邊，賣相一般。順帶一提，男店員面帶笑容，服務殷勤。(不知是否見我影相的關係)