影片
更多
2014-11-12
2832 瀏覽
貓爪子美食1) 凍鮮果茶2) 玉米里肌起司可頌3) 草莓冰淇淋鬆餅價錢HK$120/人貓爪子希望記下喜歡的香港食物難得早收工,又難得朋友收早，係星期2既17:45終於見到一刻唔洗排隊的咖啡弄上到樓就俾一班熱情同講普通話的待應嚇一嚇.. 一開頭以為佢地呢到平時太多自由行, 唔理咩人都講左普通話先, 到最尾諗真D可以佢地係想形造一個台灣的氣氛吧, OK fine講返正題草莓冰淇淋鬆餅, 其實我認為自己都算幾大食既, 四件絕對難唔到我, 叫左一碟同朋友開心share. 鬆餅上到既時候熱騰騰, 切落去都好鬆軟, 有好香的蛋香味, 點少少溶左的雪糕真係非常可口, 佢既士多啤梨雪糕中間都係有果肉的, 雪實左好有咬口, 而一粒粒的士多啤梨好紅好甜! 但係最後我發現呢碟野女仔真係share 會好一點, 一人兩件都已經飽到上心口!! 同埋上到台要快D吃, 我有一件遅左食, 耐左就開始硬左冇咁好食, 一係就叫待應安排遲一點先上玉米里肌起司可頌都好可口, 呢碟係鹹食嚟, 牛角包夾著ham、蕃茄、粟米、火腿再伴沙律菜, 叫既時候又以為細細碟啦, 點知個包又係成隻手掌咁大. 雖然我唔可以豪邁地一次過一啖食晒咁
1) 凍鮮果茶
2) 玉米里肌起司可頌
3) 草莓冰淇淋鬆餅
價錢
HK$120/人
貓爪子希望記下喜歡的香港食物
難得早收工,又難得朋友收早，係星期2既17:45終於見到一刻唔洗排隊的咖啡弄
上到樓就俾一班熱情同講普通話的待應嚇一嚇.. 一開頭以為佢地呢到平時太多自由行, 唔理咩人都講左普通話先, 到最尾諗真D可以佢地係想形造一個台灣的氣氛吧, OK fine
講返正題
草莓冰淇淋鬆餅, 其實我認為自己都算幾大食既, 四件絕對難唔到我, 叫左一碟同朋友開心share. 鬆餅上到既時候熱騰騰, 切落去都好鬆軟, 有好香的蛋香味, 點少少溶左的雪糕真係非常可口, 佢既士多啤梨雪糕中間都係有果肉的, 雪實左好有咬口, 而一粒粒的士多啤梨好紅好甜! 但係最後我發現呢碟野女仔真係share 會好一點, 一人兩件都已經飽到上心口!! 同埋上到台要快D吃, 我有一件遅左食, 耐左就開始硬左冇咁好食, 一係就叫待應安排遲一點先上
玉米里肌起司可頌都好可口, 呢碟係鹹食嚟, 牛角包夾著ham、蕃茄、粟米、火腿再伴沙律菜, 叫既時候又以為細細碟啦, 點知個包又係成隻手掌咁大. 雖然我唔可以豪邁地一次過一啖食晒咁多配料, 但我分開慢慢食都覺得佢地的材料味道各有千秋, 恰到好處, 而我覺得佢燈黃色的芝士醬汁就是連繫所有食材的精華所在
凍鮮果茶, 本身我叫走冰的, 但待應應該聽唔清楚俾左少冰我, 算啦, 我自己"不"走D冰落另一杯清水到, 雖然係咁, 過左15分鐘, 竟然有另一個女待應走過嚟幫我換左一杯新既清水, 的確個下感受到佢地的貼心而立即開心番晒, 加晒分!呢Jar凍鮮果茶最少都有500ML, 容量之大岩晒我地坐係到慢慢傾計, 味道唔算太甜, 飲完再食埋D水果覺得好fresh.
總括一句: 媽呀我終於食到咖啡弄! 又真係幾好食喎, 抵佢咁多人排隊, 抵佢發達啦!
張貼
