水門雞飯 (萬勤商業大廈)

營業中

休息中

次次去親尖沙咀食泰國野，第一時間就諗起水門雞飯。就算尖沙咀一街之隔有兩間分店，都好多人係到排隊。今日趁時間充裕，就去排一排金馬倫道個間先🔸海南雞飯：海南雞飯當然係佢地既招牌菜啦。雞肉鮮嫩多汁，散發著淡淡的香氣，搭配油飯同醬汁，非常好吃。雞飯亦送清湯，非常鮮甜。🔸豬手飯：豬手經過悉心烹調後，肉質軟嫩，入口即化，帶有一絲肉香。🔸烤魷魚：落單前，大家可以選擇整條上同斬件上，非常細心。懶惰既我就決定斬件上。上菜時，魷魚熱辣辣，外皮被烤至微焦，散發陣陣誘人的香氣，咬落去完全感受到鮮甜多汁的口感。🔸魷魚炒西蘭花：西蘭花煮得岩岩好，唔好整到好淋，同魷魚辣醬炒埋一齊非常惹味。🔸班蘭大菜糕：平時就食得多班蘭椰汁糕，大菜糕反而第一次試。糕點香甜可口，不會太膩，清新爽口，好岩依家食。