海南

營業中

休息中

呢間餐廳位於西營盤，距離地鐵站出口路程只需要3分鐘左右，所以位置上十分方便，隔離正街同下面皇后大道西就好旺，食肆林立。餐廳主打嘅係就去骨海南雞飯，仲有紅燒狀元蹄同紅酒會牛尾。已經唔係第一次來食，通常都係中午來買外賣，速度算好快，堂食就有時要等位。今日晏咗食飯，就來食佢地嘅下午茶，分量方面， 和全日套餐好似冇乜分別，或者係雞少啲，其他份量一樣。海南雞飯最重要的一定是那個雞飯，呢間餐廳做得超好味，全因為香料認真配搭，吃起來唔太油，有乾葱等香料 ，唔覺有味精。海南雞已經去咗骨，入口好嫩滑，好有雞味，皮唔厚，冇乜肥膏， 有一層啫喱，不會太油膩。比較特別嘅係佢地嘅三色醬，三隻都好好味，感覺係心機之作，見到隔離個學生撈埋嚟一齊點，又可以免費添湯同飯，唔似其他餐廳，郁啲就要加錢，所以，感覺呢間餐廳係真心對客。推薦：去骨海南雞飯，不會令你失望。