露面手工拌麵料理

一直都好鍾意食上海湯麵。 俾呢間嘅闊麵吸引到，特登嚟試試。嫩雞白布湯闊麵個麵嘅雞湯湯底呈奶白色，湯底加咗奶所以飲落好滑，同雞肉同麵加埋好夾。份量係十分之多🤣，女仔食完之後好飽。去皮雞肉嫩滑，仲有好多菜，好味又健康。朋友鍾意食辣，佢就點咗辣拌麵。佢就話麵質煙韌，唔算太辣👍🏼另外加咗個小食。醉雞肉滑，正常發揮😁野飲方面我叫咗個白桃烏龍牛乳茶+$14烏龍味較特出，淡淡嘅牛乳味做襯托。野生松茸鮮雞湯+$18朋友就飲湯。個湯就清清地，無落味精，飲落好養生健康。