莆田 (港威商場)

營業中

休息中

媽咪係大陸返來後都未同佢出去食過飯，早幾日見謙謙補習會好夜放，一於偷偷同媽咪去尖沙咀行街食飯。💕🔯 福建海蠣煎 ～ 呢個季節最啱食海蠣脹卜卜又鮮甜， 呢到的海蠣煎加了一點鯪魚肉和雞蛋去煎，口感特別好。🔯 海蠣煮泗粉 ～ 用了新鮮的海蠣和菇去煮泗粉，令成碗泗粉都鮮甜可口，食完一碗又一碗。🔯 椒鹽豬手 ～ 呢個豬肉必點， 一口咬落去外皮超酥脆，又有椒鹽香， 用手揸住食特別有風味。🔯 福州香味紅槽雞 ～ 雞肉吸收了南乳的汁味道唔錯雞肉亦鮮嫩。🔯 芋香鴨 ～ 太喜歡食香口野， 呢味芋香鴨絕對滿足到我，香滑的芋泥包住已入味的鴨去炸， 口感豐富有層次。🔯 桂花陳皮燉雪梨 ～ 桂花陳皮燉雪梨岩哂燥底的我，幫我止咳潤肺啱哂我，入口有桂花的清甜，雪梨又夠滋潤。🔯 建蓮雪耳湯 ～ 幫媽咪叫了呢個 ，等佢甜一甜潤一潤喉，健脾養生。