頑石燒肉所 (已結業)

HKU朋友話呢間係100%和牛專門店，品質有保證，今日揀咗呢間餐廳同佢一邊shabu shabu，一邊吹水~全新季節限定推出日式關西風壽喜燒，本身午市set只包括雞肉。店員介紹可以叫其他牛肉再加錢升級做壽喜燒湯底。佢推介咗澳洲M9和牛牛里脊肉和澳洲M9和牛牛臀肉蓋，牛味好濃，而且不會太薄身，有口感，油花適量，兩款我都喜歡，十分推介！ 醬汁都有三款提供👍🏻關西風重濃厚口味～所以我追加咗溫泉蛋紫菜飯配索滿甜醬油、濃味的牛肉😛套餐仲包括蜆湯、沙律、蔬菜。值得一讚係蔬菜一點都不hea，新鮮又多種類，有娃娃菜、芋絲、豆腐、大蔥，食完又飽又滿足。富士山飲品係波子汽水🥤嘅味道，酸甜開胃。神還原富士山，造型好可愛，望住呢杯飲品，就好似置身日本🇯🇵，望住富士山打邊爐。