Fusion Cafe (已結業)

Item: Fusion Cafe
Rating: 3
Author: 蝗蟲同學

17 食評

味道

環境

服務

衛生

抵食

半山

$51-100

多國菜

蝗蟲同學

等級4

又拉了朋友出0黎食 tea, 原本想試 lunch 食唔成的 Cafe O, 點知去到發覺店內因為無晒 d 凳 (!?) 變了「立食」店, 唔想「罰企」, 0黎了呢度. 見下午茶 menu 上竟然有軟心朱古力布甸, 立即叫了一客, 配熱奶茶 ($30); 朋友就要了「特色西多士」, 配凍奶茶 ($32).熱奶茶係港式 (好彩!!!), 雖然唔滑, 但茶味幾出, 味道可以; 凍奶茶原杯上, 朋友飲了一啖後皺了皺眉, 話「無味」, 似乎唔係好掂.「特色西多士」係豆沙餡西多士加一球0云呢0拿雪糕, 再加一粒士多啤梨及淋上 berry 汁... 試了一啖, 係萬年油炸的, 味道離奇地「老麥」, 令人打冷震; 豆沙餡無乜豆沙味, 因為 berry 汁酸味實在太搶, 唔0岩食; 雪糕現成, 一般香滑, 但起碼唔難食, 算啦.心太軟一樣跟一球0云呢0拿雪糕, 另加一 pat cream, 一粒士多啤梨及一條 Pocky 百力滋, 用船形玻璃碗裝住... 朱古力蛋糕幾厚皮, 望落又乾又0鞋, 一拮落去, 只有少量朱古力漿流出, 焗得太熟了... 雖然賣相麻麻, 但係熱到出煙的, 朱古力唔係靚0野,

又拉了朋友出0黎食 tea, 原本想試 lunch 食唔成的 Cafe O, 點知去到發覺店內因為無晒 d 凳 (!?) 變了「立食」店, 唔想「罰企」, 0黎了呢度. 見下午茶 menu 上竟然有軟心朱古力布甸, 立即叫了一客, 配熱奶茶 ($30); 朋友就要了「特色西多士」, 配凍奶茶 ($32).

熱奶茶係港式 (好彩!!!), 雖然唔滑, 但茶味幾出, 味道可以; 凍奶茶原杯上, 朋友飲了一啖後皺了皺眉, 話「無味」, 似乎唔係好掂.

「特色西多士」係豆沙餡西多士加一球0云呢0拿雪糕, 再加一粒士多啤梨及淋上 berry 汁... 試了一啖, 係萬年油炸的, 味道離奇地「老麥」, 令人打冷震; 豆沙餡無乜豆沙味, 因為 berry 汁酸味實在太搶, 唔0岩食; 雪糕現成, 一般香滑, 但起碼唔難食, 算啦.

心太軟一樣跟一球0云呢0拿雪糕, 另加一 pat cream, 一粒士多啤梨及一條 Pocky 百力滋, 用船形玻璃碗裝住... 朱古力蛋糕幾厚皮, 望落又乾又0鞋, 一拮落去, 只有少量朱古力漿流出, 焗得太熟了... 雖然賣相麻麻, 但係熱到出煙的, 朱古力唔係靚0野, 但味道算濃, 配上雪糕一熱一凍, 算不錯. $30 一客, ok 啦.

小店雖然係港式西餐格局, 但帶點稚氣, 除0左有主理人的小朋友0係店內做功課, 仲有 Keroro 電視節目睇, 感覺幾得意; 店員們態度幾友善, 招呼 ok.

連加一每人約 $34, 話平唔平話貴唔貴, 可以一試.