影片
更多
2023-07-31
35 瀏覽
低調，有時會受萬人景仰。漆黑裡邊既螢火蟲， 一般都比較鮮明同埋出眾。Mata Japanese Cuisine, 藏身喺長沙灣呢個商場，唔易發現，但係係一間試完之後，眼前一亮嘅餐廳。 🍖前菜嘅怪味枝豆，用麻辣同花椒仲有蒜片入味，一開始已經味覺大張。跟住食番自家製柚子醃蘿白，將味蕾帶返現實，進入正餐。 🍖令和之怪物，喺其他餐廳食過，其實好似一味得個大，蠔味一般般。鍾意呢度配搭自家製酸汁啫喱。除左酸味帶出蠔既鮮甜，啫喱本身都帶出另外一層口感。 🍖大葱雞肉串燒，燒汁均勻分佈係串燒上面，燒至微焦，香口得黎雞肉依然保持幼嫩。 🍖甲羅燒忌廉意粉，蟹蓋入邊，放有芝士及蟹糕，係蟹蓋撈勻影左張相，諗住撈入個麵度， 先知原來下面又鋪左一層滿滿嘅蟹肉，又影多張。足料，而且非常配合忌廉意粉嘅味道。意粉嘅汁醬啱啱好沾滿所有麵條。得意嘅係，唔會好似一般忌廉意粉咁，痴埋一舊。 🍺飲品叫做"青"，係青蘋果，菠蘿汁，volka同wasabi既mixture. 其實一開始我地已經order左。估唔到可以同食物由頭夾到尾。佢中和左怪味枝豆既辣，令到雞肉同埋蠔既過場唔會有違和感。蟹肉同蟹膏難免會有少少腥味，最後果啖酒，食到
🍖前菜嘅怪味枝豆，用麻辣同花椒仲有蒜片入味，一開始已經味覺大張。跟住食番自家製柚子醃蘿白，將味蕾帶返現實，進入正餐。
🍖令和之怪物，喺其他餐廳食過，其實好似一味得個大，蠔味一般般。鍾意呢度配搭自家製酸汁啫喱。除左酸味帶出蠔既鮮甜，啫喱本身都帶出另外一層口感。
🍖大葱雞肉串燒，燒汁均勻分佈係串燒上面，燒至微焦，香口得黎雞肉依然保持幼嫩。
🍖甲羅燒忌廉意粉，蟹蓋入邊，放有芝士及蟹糕，係蟹蓋撈勻影左張相，諗住撈入個麵度， 先知原來下面又鋪左一層滿滿嘅蟹肉，又影多張。足料，而且非常配合忌廉意粉嘅味道。意粉嘅汁醬啱啱好沾滿所有麵條。得意嘅係，唔會好似一般忌廉意粉咁，痴埋一舊。
🍺飲品叫做"青"，係青蘋果，菠蘿汁，volka同wasabi既mixture. 其實一開始我地已經order左。估唔到可以同食物由頭夾到尾。佢中和左怪味枝豆既辣，令到雞肉同埋蠔既過場唔會有違和感。蟹肉同蟹膏難免會有少少腥味，最後果啖酒，食到幾個wasabi顆粒。用刺激嘅感覺轉移腦袋嘅視線。特別細心嘅位係，酒壺下邊有冰雪住，保持冰涼，但係囉出嚟嘅時候，又唔會整濕周圍，原因係因為側邊放左硅藻土墊，先印一印，迅速吸收。喺一個好有心思嘅設計。
✨️好物沉歸底，最後既tequila 加咖啡shot, 冰冰涼涼，咖啡同酒比例得宜，所以食完忌廉意粉，都唔會覺得好飽好脹。最值得一提就係表面平平無奇嘅自家製花生酥。我感覺佢就好似澳門嘅杏仁餅，先將花生磨碎，再壓成餅，再去焗。老闆仲特登介紹係使用日本材料，所以做到日本食物常見嘅入口即融。
原來餐廳係1月先至開張，但係呢份心思，相信好快就可以建立一個自己嘅名聲！
張貼
