聚興樓

營業中

休息中

之前幫襯過兩三次都係食小菜,價錢公道食物質素唔錯。同老闆娘傾開偈,佢話可以來料加工海鮮,所以今年嘅舊同學聚餐就麻煩咗老闆娘幫我哋安排。完全冇諗過食乜搵佢幫手安排買海鮮,結果超出預期,掛住食唔記得咗影燉雞湯相。海鮮夠新鮮分量多，正常做法，唔使多講睇相都明白。小棠菜墨魚餅非常有特色，皮脆,入口彈牙,有墨魚味，堅。避風塘炒粟米亦都夠特別，避風塘炒鹹辣香味道加粟米甜，有趣。炆鮑魚花膠海參，非常有水準。埋單個個都話抵食，朋友仲以為我同老闆娘好熟，不過相信將來我會落多啲去。第一次寫食評，水平有限，識食嘅睇相明白。