影片
更多
2023-03-19
1153 瀏覽
友人BOOK了近期的人氣湖畔下午茶，真係幾受歡迎要預早一個月前BOOK先BOOK到，BOOK了3位同指明要窗邊位置。準時去到，比左其他位唔係窗邊位(指明要窗邊位仲要應承)，有一張窗邊坐到3人，問可唔可以坐果張職員話已有人BOOK左，明白3人位係有少少難度同都應該比人BOOK左，但如果一早知道比唔到就唔好應承個客比窗邊位囉...安排真心差。但畢竟等左成個月先來到只好照坐了。餐廳位於香港公園內的小白屋，門面及內堂都有著優雅之感，內堂面積頗大，落地玻璃滲入的自然光線感覺舒適，因為3人的關係，坐的是梳化位，坐位闊絡舒適，可惜唔係窗邊真係爭點，主力窗邊打卡位多是二人枱，目測只得一張四人，坐的是梳化椅。䁽眼係房見到有酒吧位，呢個時段應該唔開。設有露天位置，用上藤椅及梳化，四周是花草樹木環境清幽，感覺寫意。3人，要了一個2 人Set，一個 1 人Set。Signature Afternoon Tea$488 for 2 persons$268 for 1 personsSWEET TREATSmacaroonspanna cotta cake of dayscones with cream and
友人BOOK了近期的人氣湖畔下午茶，真係幾受歡迎要預早一個月前BOOK先BOOK到，BOOK了3位同指明要窗邊位置。
準時去到，比左其他位唔係窗邊位(指明要窗邊位仲要應承)，有一張窗邊坐到3人，問可唔可以坐果張職員話已有人BOOK左，明白3人位係有少少難度同都應該比人BOOK左，但如果一早知道比唔到就唔好應承個客比窗邊位囉...安排真心差。但畢竟等左成個月先來到只好照坐了。
餐廳位於香港公園內的小白屋，門面及內堂都有著優雅之感，內堂面積頗大，落地玻璃滲入的自然光線感覺舒適，因為3人的關係，坐的是梳化位，坐位闊絡舒適，可惜唔係窗邊真係爭點，主力窗邊打卡位多是二人枱，目測只得一張四人，坐的是梳化椅。䁽眼係房見到有酒吧位，呢個時段應該唔開。
設有露天位置，用上藤椅及梳化，四周是花草樹木環境清幽，感覺寫意。
3人，要了一個2 人Set，一個 1 人Set。Signature Afternoon Tea
$488 for 2 persons
$268 for 1 persons
SWEET TREATS
macaroons
panna cotta
cake of day
scones with cream and organic jam
SAVOURIES
pondside crabcakes
risotto balls
Vegetarian spring rolls
open sandwiches
shrimp cocktails
parma ham on cantaloupe
coffee or tea
Scone，英式鬆餅，個人去食Tea都比較在意個鬆餅，鬆餅口感鬆化，微甜有牛油味，正常水準，配上clotted cream更好味，果醬都不俗。
蟹餅，外脆內裡一絲絲的蟹肉，少少鮮味，正常水準。
炸意大利飯球，口感太硬，冇乜味。
素春卷，個皮有點腍，味道普通。
蝦雞尾酒，蝦爽口，下層是牛油果醬，清新之感。煙三文魚三文治，正常水準。
巴馬火腿哈密瓜，鹹香爽口。
焦糖蘋果蛋糕，是日甜點，食落有粒粒的蘋果肉，有點似蘋果批的味道。芒果慕絲蛋糕，是日甜點，好有夏日之感，淡淡的芒果味。
奶凍，口感軟滑香牛奶味。
馬卡龍，有開心果及焙茶味，開心果味比較出。
Latte，+$20，正常好準。
丸久小山園煎茶，+$30，試左少許不俗呢。環境取勝，食物味道普通，得個奶凍好食，安排坐位上差，但服務態度上都幾好，有禮貌同會主動幫你影相，打卡之選。
基本上係BOOK位安排及食物要改善下。
張貼
