影片
更多
2023-04-25
28 瀏覽
返咗一個星期工，weekend間唔中都要對自己好啲～今次嚟到呢間韓式fusion扒房，主打自家熟成牛肉，仲有各式嘅燒肉同埋韓式嘅fusion牛肉菜式。餐廳親自喺農場直接買入原條牛肉🍖，全部都係經美國安格斯認證，品質有保證！買完返嚟之後會放入自家嘅熟成櫃，經過45日嘅熟成令牛肉增添風味，真係平時少有會食到！餐廳位置比較隱蔽，經過咗幾次都搵唔到，原來佢門面冇咩多餘嘅裝飾，入到去好似入咗第二個世界咁！環境偏昏暗，幾有情調，座位都幾闊落坐得舒服；佢個窗淨係入面可以望到出面👀，坐窗邊位置可以望到出面人來人往，但同時私隱度都幾高！今次揀咗個brunch menu，唔使煩惱食咩，又每樣都可以試少少，啱晒選擇困難症嘅人！------------------------------🍱◖Brunch Set◗ $580/pax佢嘅brunch set有四個course，每個course都可以自選一款菜式，如果同朋友一齊嚟，每個course仲可以叫多一款菜式，一次過試多幾款！一坐低佢會比四款自家醃製嘅小菜，分別係泡菜醃蘿蔔醃青瓜同埋醃雞髀菇。個人幾中意個醃雞髀菇，味道偏酸，好索汁好juicy，幾特別好開胃！
餐廳親自喺農場直接買入原條牛肉🍖，全部都係經美國安格斯認證，品質有保證！買完返嚟之後會放入自家嘅熟成櫃，經過45日嘅熟成令牛肉增添風味，真係平時少有會食到！
餐廳位置比較隱蔽，經過咗幾次都搵唔到，原來佢門面冇咩多餘嘅裝飾，入到去好似入咗第二個世界咁！環境偏昏暗，幾有情調，座位都幾闊落坐得舒服；佢個窗淨係入面可以望到出面👀，坐窗邊位置可以望到出面人來人往，但同時私隱度都幾高！
今次揀咗個brunch menu，唔使煩惱食咩，又每樣都可以試少少，啱晒選擇困難症嘅人！
------------------------------
🍱◖Brunch Set◗ $580/pax
佢嘅brunch set有四個course，每個course都可以自選一款菜式，如果同朋友一齊嚟，每個course仲可以叫多一款菜式，一次過試多幾款！
一坐低佢會比四款自家醃製嘅小菜，分別係泡菜醃蘿蔔醃青瓜同埋醃雞髀菇。個人幾中意個醃雞髀菇，味道偏酸，好索汁好juicy，幾特別好開胃！
𝟭𝘀𝘁 𝗖𝗢𝗨𝗥𝗦𝗘
▪️ 𝗦𝗰𝗮𝗹𝗹𝗶𝗼𝗻 𝗦𝗮𝗹𝗮𝗱🥗
用咗啲京蔥絲、青瓜絲拌上辣椒粉、麻油，口感清甜爽口，味道帶有少少醋酸味，好爽甜開胃！
▪️ 𝗤𝘂𝗲𝘀𝗮𝗱𝗶𝗹𝗹𝗮🌮
用咗熟成牛肉，加上芝士做成夾餅，拉絲效果一流！熟成牛肉餡料牛味香濃，而且好足料真係啖啖肉；墨西哥餅皮烘得香脆，有少少酥皮嘅感覺，推薦！
𝟮𝗻𝗱 𝗖𝗢𝗨𝗥𝗦𝗘
▪️ 𝗧𝘁𝗲𝗼𝗸𝗯𝗼𝗸𝗸𝗶 𝗕𝗼𝗹𝗼𝗴𝗻𝗲𝘀𝗲🍝
用咗熟成牛肉加上茄汁煮成肉醬，同煙韌嘅韓國年糕撈埋一齊，
▪️ 𝗦𝗲𝗮𝗳𝗼𝗼𝗱 𝗣𝗮𝗻𝗰𝗮𝗸𝗲 +$𝟱𝟬🥞
佢嘅海鮮煎餅海鮮份量超級足，粉漿嘅份量唔會太多，差唔多成塊餅都係八爪魚肉同埋海蝦！佢嘅海鮮薄餅都用咗新鮮嘅海鮮，食落爽脆，鮮味十足！淋埋佢自家浸泡嘅洋蔥醋，酸酸地更加帶得出海鮮嘅鮮味～
𝟯𝗿𝗱 𝗖𝗢𝗨𝗥𝗦𝗘
▪ 𝗦𝗽𝗶𝗰𝘆 𝗦𝘁𝗶𝗿𝗳𝗿𝗶𝗲𝗱 𝗢𝗰𝘁𝗼𝗽𝘂𝘀 +$𝟴𝟬🐙
用咗韓式甜辣醬去炒啲新鮮八爪魚，加入咗啲椰菜冬菇嗰啲配菜，好鍾意佢八爪魚嘅吸盤位置超有咬口，又掛汁，好惹味！
▪ 𝟴𝗼𝘇 𝟰𝟱 𝗗𝗮𝘆𝘀 𝗗𝗿𝘆 𝗔𝗴𝗲𝗱 𝗥𝗶𝗯𝗲𝘆𝗲 𝗦𝘁𝗲𝗮𝗸 +$𝟭𝟮𝟬🥩
餐廳主打熟成牛肉，一定要試吓佢嘅熟成牛扒！牛扒煎得好出色，真係做到五成熟嘅效果，外面保持焦脆香口，裏面嘅牛肉呈粉紅色，肉汁鎖得好好，牛味好濃郁！可以將佢擺喺伴碟嘅紫蘇葉上面，加入大醬同埋蒜片，食材嘅香味又出奇地夾，好有層次，呢個fusion食法另有一番風味！
𝟰𝘁𝗵 𝗖𝗢𝗨𝗥𝗦𝗘
▪ 𝗜𝗰𝗲 𝗖𝗿𝗲𝗮𝗺🍨
有人蔘同米酒味道，兩款都試曬，個人更加鍾意米酒嘅味道，口感軟滑，感覺上冇咁甜，帶有陣陣酒嘅清香～
🥂◖2 Hours Free-Flow Packages◗ +$400/pax
鍾意飲酒嘅話，可以加$400享有兩小時free flow，可以任飲佢哋嘅香檳、紅酒、白酒、燒酒同埋各類啤酒，選擇都幾多，仲可以叫店員做過wine-pairing，配返啲主菜飲返唔同嘅酒，風味更佳！
Champagne：Sainte Anne Brut
Red Wine：Saumur-Champigny Terres Rouges
White Wine：Château Grand Village
House Soju：Pear，Rose，etc
Beer：Jeju Beers，Asahi，Orion，Pilsner
Soft Drinks：Coke，Sprite
🌟 Encore指數：9.5/10
張貼
