全記小店

營業中

休息中

見枱枱等成半個鐘都未有野食，我又好鬼趕時間喎，阿姐話食套餐啦 ﹗唔改太陽蛋、唔改出前一丁，就唔洗等即刻有！真係兩分鐘唔洗即到，但從來未食過咁難食架 ﹗上年 10 月到依家都無黎過，今年第 1 次船河就比個咁劣既早餐過我食，搞錯呀 ﹗炒蛋沙嗲牛肉麵，您睇吓啲麵係白雪雪架，食落似滾水浸出黎既白紙條，完全無味架！牛肉勁韌、汁又漿實晒 ﹗湯唔熱、麵同牛肉都唔熱，炒蛋直頭係凍添！我唯有勁撈辣椒油，格硬倒晒落肚算喇 ﹗點知食晒無耐，見到隔離有熱辣辣出前一丁食呢！