叠記咖喱

行經太子幾次，見到呢間新開咖喱專門店，今日終於去試吓，店員服務態度好好，但係食物質素認真麻麻。自己招牌寫住係咖喱專門店，但係咖喱食物非常少，只得牛腩、雞翼、同魚蛋，啲咖喱好似湯一樣稀，啲牛腩好似煲湯瘦肉咁，價錢唔算貴，但真係好難食，大家樂都好食過佢，仲話係祖傳祕方……？！真係好想問吓佢個祖先究竟知唔知咩係咖喱😓，咁嘅嘢都夠膽拎得出嚟賣。感覺澳門好多所謂美食都名過其實，過嚟香港開嘅水準更加差，都係寧願支持返本地美食好過。