黨99 (已結業)

Item: 黨99
Rating: 5
Author: Shinchan1993

BASH99

4.5

100 食評

味道

環境

服務

衛生

抵食

1358

西環

$101-200

日本菜爐端燒

Shinchan1993

等級4

1.2K

星期日去咗西環海旁兜風，三月竟然都仲咁大風，真係嚇親呢。咁嘅天氣我哋散咗幾分鐘步後，都係決定早啲食飯好過🙈。我哋去咗幫襯「黨99」，皆因被佢型格嘅裝修吸引住。呢度作為一間酒吧餐廳，環境相當舒服，無過於嘈雜嘅音樂，亦冇烏煙瘴氣，適合一班人傾計飲下嘢，好放鬆👍。話明係酒吧，呢度當然提供各式各樣嘅飲品酒水🍻。而食物方面偏向係輕食類，例如日式串燒同炸物等，選擇都幾多嘅。價錢中等啦，唔算特別平或貴。食物即叫即整，但上菜速度都好快，時間控制得好好👏，有時食串燒要等勁耐真係無癮囉。睇個樣都知啲串燒燒得好靚，因為唔會乾爭爭。安格斯牛扒($138/100g)，🥩牛扒係唯一一樣唔係串燒類嘅肉肉，淨係呢塊牛扒已經值得好評。首先，100g嘅牛扒份量比想像中多，可能關點樣切件事啦。斜切牛扒夠大件，食落好有好滿足。我哋要咗七成熟，所以肉身呈少少粉紅色。同時，安格斯牛扒牛味濃郁🐮，加上邊位帶少少肥膏，味道特別甘香，肉質亦夠軟嫩。日式牛扒整得好食，其實分分鐘仲好味過西式煎牛扒。呢件牛扒用上醬汁調味，將肉汁嘅精華帶咗出嚟，但又唔會蓋過牛肉本身，好鬼正啊😋，好想配白飯食。野菜天婦羅($58)，呢碟天婦羅嘅味道同牛扒一樣驚

15 瀏覽

0 讚好

0 留言

星期日去咗西環海旁兜風，三月竟然都仲咁大風，真係嚇親呢。咁嘅天氣我哋散咗幾分鐘步後，都係決定早啲食飯好過🙈。我哋去咗幫襯「黨99」，皆因被佢型格嘅裝修吸引住。

8 瀏覽

0 讚好

0 留言

呢度作為一間酒吧餐廳，環境相當舒服，無過於嘈雜嘅音樂，亦冇烏煙瘴氣，適合一班人傾計飲下嘢，好放鬆👍。

20 瀏覽

0 讚好

0 留言

話明係酒吧，呢度當然提供各式各樣嘅飲品酒水🍻。而食物方面偏向係輕食類，例如日式串燒同炸物等，選擇都幾多嘅。價錢中等啦，唔算特別平或貴。

3 瀏覽

0 讚好

0 留言

食物即叫即整，但上菜速度都好快，時間控制得好好👏，有時食串燒要等勁耐真係無癮囉。睇個樣都知啲串燒燒得好靚，因為唔會乾爭爭。

安格斯牛扒($138/100g)，🥩牛扒係唯一一樣唔係串燒類嘅肉肉，淨係呢塊牛扒已經值得好評。首先，100g嘅牛扒份量比想像中多，可能關點樣切件事啦。斜切牛扒夠大件，食落好有好滿足。我哋要咗七成熟，所以肉身呈少少粉紅色。

同時，安格斯牛扒牛味濃郁🐮，加上邊位帶少少肥膏，味道特別甘香，肉質亦夠軟嫩。日式牛扒整得好食，其實分分鐘仲好味過西式煎牛扒。呢件牛扒用上醬汁調味，將肉汁嘅精華帶咗出嚟，但又唔會蓋過牛肉本身，好鬼正啊😋，好想配白飯食。

野菜天婦羅($58)，呢碟天婦羅嘅味道同牛扒一樣驚艷🍤。雜菜款式雖然只得三款，包括四件蕃薯片🍠、四件冬菇同兩件日式青椒仔，但天婦羅出色嘅地方在於個炸漿。炸衣又薄又脆，而且同蔬菜連成一體，唔會甩開各自食，輕輕沾少少鹽食已經無得輸。我認為三款之中冬菇最好食🍄。

4 瀏覽

0 讚好

0 留言

雞翼($38)以及雞軟骨($26)，🐔呢兩款雞嘅代表唔係唔好食，但就比較普通。🍗燒雞翼有少少乾身，味道亦不及港式燒烤整法惹味；🦴雞軟骨大大粒，好脆口，但串燒形式上就只得幾粒，唔太夠喉。本身我想要炸雞軟骨㗎，但可惜賣哂。

黑豚肉($36)，🐷豬腩肉幾時都係咁邪惡，齋睇佢啲脂肪層就知有幾多汁。豬腩燒得啱啱好，肉質唔柴之餘，肥肥位仲帶點微脆，配埋醬汁同芝麻食，完全係一種享受。

3 瀏覽

0 讚好

0 留言

蘆筍($26)、日本青椒($22)以及牛舌($48)，🍢前兩種蔬菜串燒就屬正常水平啦，面頭加咗木魚碎令佢哋變得無咁單調。牛舌都唔錯👅，厚薄適中，肉質亦唔韌，但略嫌偏貴少少。

明太子飯團($42)，食得日式串燒一定唔少得燒飯團🍙，小新話嘅！燒飯團嘅外皮要做到脆身得嚟唔硬，絕對唔容易，好考功夫。呢度嘅飯團過到第一關✅，而第二關就係個調味。好多時飯團都係喺外層塗上醬油就拎去燒，所以中間會無味，但呢個唔同，因為全個飯團都混入咗明太子粒，微辣鹹香滲透其中。

飲品方面，其實我哋對佢嘅Signature Cocktail🍸幾有興趣，但另外又有幾款指定Cocktails做緊Happy Hour買一送一優惠($99)，好矛盾唔知點揀好。最終，我哋都係被優惠吸引，要咗Espresso Martini同Moscow Mule。☕️前者嘅咖啡同酒味比例調得恰到好處，唯獨係始終覺得咖啡唔太適合夜晚飲。🍋後者嗰杯就唔同，因為用上青檸同薑味汽水，味道變得清新易入口🌿。