WHISK

營業中

休息中

今次到訪尖沙咀美麗華嘅米芝蓮推介食府「Whisk」推出咗每月一次微醺早午宴，酒店廚藝總監Sheldon Fonseca推出五道佳餚，除咗可以⭐️無限暢享三款主菜（包括蘇格蘭鮭魚威靈頓和熊本縣黑毛豬扒）、⭐️無限暢飲（紅白酒、雞尾酒、氣泡酒）之外，仲有DJ駐場炒熱氣氛，享受微醺嘅早午餐時間。Whisk Boozy Brunch $788Artisan Ham & Salami 選用24個月嘅伊比利亞火腿、辣香腸和酸醃辣椒，咸香嘅味道最適合配搭氣泡酒。Seasonal Seafood多款海鮮組成嘅拼盤（包括石蠔、瀨尿蝦、清酒鮑魚、油甘魚和蜆）。石蠔微甜中帶有少許金屬味，而賴尿蝦就甜中帶鮮，鮑魚爽口又有酒香。Ran Ou Egg蛋料理一向好講究廚師嘅功力，幼滑嘅蛋身，配搭黑魚子和龍蝦肉，每一啖都係海鮮嘅鮮甜味。⭐️無限暢享主菜Scottish Salmon Wellington酥脆嘅外皮，入面包裹住熟到適中嘅三文魚扒，營造出外脆內軟嘅口感。醬汁用上鮭魚子和蕃茄牛油，營造出更加順滑和咸香嘅味道。Spiced Baby Chicken妙齡春雞經過調味再香烤，可以見到外皮烤到微焦。每一啖都係嫩滑嘅口感。