Lab Made 分子雪糕專門店 (已結業)

行完the one最難控制就係自己對腳會不斷向諾士佛臺方向行，每次都會情不自禁去睇lab made有咩新搞作。嘩正啊！今期味道好吸引！有金之莎，焦糖醬海鹽牛奶脆脆，腐竹雞蛋糖水，同埋椰絲斑蘭蛋糕。平時食金之莎同腐竹雞蛋糖水就食得多，用分子雪糕整成就真係第一次見，同朋友分享之下就叫左呢兩隻味。金之莎：食落口真係好似咬爛粒金莎咁，啖啖都有nuts同榛子醬既感覺，唔知真係以為眼前呢個雪糕球係巨型金莎。食落去感覺好厚身好實，個味道同口感真係做得好似，唯一唔同既係佢比金莎甜好多，咬落去有一粒一粒既糖，食完罪惡感爆燈！腐竹雞蛋糖水：雪糕上面真係有平時食腐竹雞蛋糖水鋪面既白果(?)，好似好健康咁，唔覺得自己食緊雪糕。呢個比起金莎會軟身啲，而且味道淡啲。腐竹味重過雞蛋味，驚喜亦都比金莎少，比較適合鍾意清清味既朋友。