秋田刺身日本料理

營業中

休息中

成日都喺Social Media見到有人post呢間餐廳嘅相，因為呢度好適合慶祝生日，好多朋友都鍾意黎呢度食飯影相，今次朋友生日終於有機會嚟試啦。呢度嘅厚燒牛肉非常高質，佢嘅牛肉牛味好夠，而且燒嘅時間啱啱好。一開始師傅會俾咗新鮮嘅食材我哋睇先，嗰陣已經見到食材好高質啦，估唔到承諾仲更加有驚喜。呢個龍蝦又係一個打卡位，師傅會提醒你準備點火，大家都準備好相機去影低點貨嗰一刻，真係又壯觀又靚呀。而且佢嘅龍蝦食落都好新鮮，唔單止拎嚟打卡，食落都好好食㗎。而我就最鍾意呢個龍蝦湯，因為佢係用燒香咗嘅蝦頭嚟煮，飲落非常香口，而且仲有少少龍蝦肉，感覺完全冇味精，非常清甜。呢度最特別嘅就係，最後廚師會用飯同埋蔥同埋其他食材去砌你鍾意嘅公仔出嚟。真係好適合生日比驚喜朋友啊，而且廚師畫嘅畫功好靚，好多唔同嘅卡通人物佢都識得砌嫁。呢間餐廳又好食，環境又得意，而且佢嘅位置都好闊落，啱晒大班朋友嚟慶祝或者gathering。