伊甸 (已結業)

一向都知道官塘工厦區有好多隱世美食，今次喺朋友介紹下就去左官塘工業中心第四期嘅【伊甸】食lunch。呢度嘅裝修設計走台灣文青風，别樹一格，感覺非常舒適。🥰我哋各自order咗特盛台式雙餸套餐share食。首先可選台式香菇肉燥/EDEN秘製辣肉碎配珍珠白飯/新竹米粉湯/乾拌新竹米粉，再選二餸(有15款選擇)，再有甜品及飲品，都幾豐富。😋分別有台式香菇肉燥珍珠白飯、鹽酥豬排、鹽酥雞中翼、台式香菇肉燥新竹米粉湯、鹽酥雞排、鹽酥花枝丸、秘製辣肉碎珍珠白飯、蜜汁豬手、小米辣酒糟雞中翼、涼拌小食，飲品有波霸奶茶、鮮檸檬蜜，甜品有黑糖花生麻薯及紅豆仙草芋圓。😍台式香菇肉燥珍珠白飯及台式香菇肉燥新竹米粉湯嘅香菇味濃，肉燥又入味，配飯或米粉同樣出色。😋鹽酥豬排、鹽酥雞中翼、鹽酥雞排、鹽酥花枝丸超惹味，炸得甘香可口又不失肉質鮮嫩。😋秘製辣肉碎珍珠白飯值得推薦，辣肉碎味覺口感冇得彈。😋蜜汁豬手分量十足兼香口，好有骨膠原。😋小米辣酒糟雞中翼有少少酒香味，雞肉嫩但吾肥。😋波霸奶茶、鮮檸檬蜜同樣係台式手沖飲品，好味。😋黑糖花生麻薯及紅豆仙草芋圓食嗰時好有台灣感覺。🥰