魔膳工房 (已易手) 新餐廳

相約去APM行街，開始前朋友提議到附近工廈填飽肚子。一出鱷魚恤大廈，行幾步就見到餐廳招牌，一上樓梯就到，地點超級方便。地方頗大，可以分成好幾個區域，裝修簡單光亮。同朋友點左menu set,包餐飲、餐湯、餐包。羅宋湯番茄味濃，比較酸。餐包有驚喜，上枱有微溫，軟綿綿，中間仲有合桃、提子。泰式燒牛肉田園沙律：醬汁酸酸甜甜，配上菠蘿，非常開胃。不過燒牛肉又硬又凍無牛味。龍蝦汁蘆筍海鮮飯：龍蝦味香濃，飯煮得軟綿，味道不錯。香煎紐西蘭西冷拼配黑椒汁薯角：跟沙律牛係兩個世界的，入口牛肉味香濃，腍腍地又有咬口感。薯角炸得香脆，伴碟不錯。