雲壽司 (聯成商業中心)

營業中

休息中

見到好多好評，又係諗住帶女朋友嚟試吓嘅時候，可惜有啲失望。坦白講，呢個價錢一定有更好嘅選擇，雖然佢餐單上有好多好多刺身同壽司款式，不過個人覺得新鮮度未夠。午市定食價錢可以接受，不過晚市或者散叫定價真係太高。叫咗個北海丼，期望會有好多海鮮刺身，刺身都算係厚，但係唔夠凍，特別係海膽有少少腥臭味，而且壽司飯嘅酸度唔夠。赤貝比較細，食落口感唔夠爽口。順帶一提，餐廳嘅豉油比較咸，大家千祈唔好加太多！今餐真係失望而回。