季稻 (已結業)

好耐冇過來官塘宜安街食飯，朋友帶我去食泰國菜。餐廳地方不大，但裝修幾精緻，燈光明亮。椰青好清甜，又解口渴龍眼冰有好多龍眼肉，甜度適中。泰式鳳爪沙律，鳳爪爽脆酸酸辣辣好開胃。蒜蓉炒通菜，通菜炒到好碧綠又唔會過老，通菜又夠味道蒜蓉味香濃。豬頸肉炒金邊粉，豬頸肉燒到好香又不肥膩，豬頸肉肉淋淋又好入味，金邊粉有花生碎，豆干，芽菜，撈埋金邊粉好香，味道香濃。咖喱炒軟殼蟹，咖喱汁好香又唔辣甜甜地，軟殼蟹大大隻好肥美，軟殼蟹糕好香濃，咖喱汁撈白飯超好味。班蘭椰大菜糕唔會太甜，大菜糕好爽脆。