峯日式料理

營業中

休息中

峯日式料理位於熟食中心入面，周圍環境認真麻麻，但係估唔到一入到店內，閂埋門，即時感覺乾淨舒適，呢度雖然地方唔大，但座位都算幾寬敞。叫咗個咖哩吉列豬扒定食，呢個 set 所有周邊嘅嘢都唔錯：味噌湯，溏心蛋，日本米飯，咖哩汁等等，全部都正常水準，賣相亦企理討好，至於主角吉列豬扒就相對較為失色：可能炸得耐少少，豬扒肉質比較乾同硬，影響口感。聽講呢度嘅鹽燒牛舌定食非常唔錯，下次要試下。另外，店內油煙味頗為嚴重，通風系統需要改善一下。