CJ Cafe (已結業)

餐廳位於泳池旁，落地大玻璃令室內好光猛，佈置簡單清潔，又唔逼夾，坐得好舒服。美國西冷牛扒配蘑菇燒汁 $65牛扒講明足7安士，以呢個價錢黎講牛扒質素唔錯～肉質實淨唔係嗱過既牛扒，薯菜係厚切薯條同西蘭花。芥末醬燒雞胸薯仔沙律 $55沙律又係好大碟，生菜夠新鮮，但醬汁太少，同埋無調味，問店員拎多啲醬汁佢地都好樂意。雞肉係類似火腿煙雞肉果種感覺。西柚冰茶跟餐凍飲加$2，兩塊大大西柚，茶微甜，冰唔會過多，幾fresh，好飲。