影片
更多
2024-08-06
591 瀏覽
話說琴日行觀塘裕民坊YM²，見到一間好似”結婚觀禮”嘅餐廳”INN - I‘m Not Nothing”，就book今日嚟試吓。呢度似係一間典雅嘅宮廷式西餐廳，連外面都可以影相，不過夏天喺外邊就會有啲熱。香草牛油焗田螺 - 表面上唔大份，實際上連埋下面嘅薯蓉食都幾飽。田螺係有專用鉗同叉，食完田螺記得飲埋入邊嘅香草汁，惹味非常。法式芝士焗生蠔(香脆煙肉) - 焗蠔，最緊要夠熱。呢度嘅出品夠晒熱，有芝士味，煙肉夠脆，蠔肉亦都飽滿，其實都冇咩好挑剔。手工黑松露雲吞配野菌黑松露忌廉汁 - 呢個雲吞，並唔係Ravioli，而係Tortellini，形狀比較似中國嘅雲吞，會比較有嚼口，掛上黑松露汁，迷人典雅。開心果疏乎厘班戟 - 食埋佢嘅甜品，疏乎厘pancake，本身已經極具蛋香，再用上最流行嘅開心果醬，非常有開心果味，加上有啲生果同焦糖脆餅，其實食落好豐富。拉花熱朱古力- 冇錯，呢度嘅熱朱古力係會拉花，今次拉咗個美女釣魚嘅形狀，相當優美。呢度嘅西餐出品比較特別，已經超過Cafe嘅水平，難怪平日夜晚嚟到都爆滿。
香草牛油焗田螺 - 表面上唔大份，實際上連埋下面嘅薯蓉食都幾飽。田螺係有專用鉗同叉，食完田螺記得飲埋入邊嘅香草汁，惹味非常。
法式芝士焗生蠔(香脆煙肉) - 焗蠔，最緊要夠熱。呢度嘅出品夠晒熱，有芝士味，煙肉夠脆，蠔肉亦都飽滿，其實都冇咩好挑剔。
手工黑松露雲吞配野菌黑松露忌廉汁 - 呢個雲吞，並唔係Ravioli，而係Tortellini，形狀比較似中國嘅雲吞，會比較有嚼口，掛上黑松露汁，迷人典雅。
開心果疏乎厘班戟 - 食埋佢嘅甜品，疏乎厘pancake，本身已經極具蛋香，再用上最流行嘅開心果醬，非常有開心果味，加上有啲生果同焦糖脆餅，其實食落好豐富。
拉花熱朱古力- 冇錯，呢度嘅熱朱古力係會拉花，今次拉咗個美女釣魚嘅形狀，相當優美。
呢度嘅西餐出品比較特別，已經超過Cafe嘅水平，難怪平日夜晚嚟到都爆滿。
張貼
