影片
更多
2019-12-27
85 瀏覽
臨近聖誕，無論咩環境都想要食餐好既，獎勵下努力左一年既自己。朋友約左來呢間餐廳晚餐，本身以為係食環境，但食物同樣令我喜出望外，呢餐真係非常滿意。餐廳環境好華麗，濃濃既宮廷風，餐廳既佈置明顯十分用心，好多精緻既小物件擺設，到處都係打卡影相位，而且餐廳環境闊落，亦都唔需要擔心影到其他食客，檯同檯之間都好有空間。一坐低未食嘢，心情已經好好，少女心即時爆發。餐廳仲有一個露台，對出既景觀好開揚，只有一張檯。成個環境真係好浪漫好靚，啱曬二人世界撐檯腳！蟹肉芒果卷伴牛油果沙律：佢地D擺盤真係好靚，啱曬相機食先，芒果蟹肉卷都好清新開胃！南瓜湯: 南瓜湯清甜，口感又厚又滑!香濃蠔湯: 真係驚艷，非常鮮味，食得出係用新鮮蠔整！餐包有3款，仲有餅乾條，用來點湯或者就咁食都可以！慢煮西班牙栗飼豬鞍配青蘋果沙律及焦糖蘋果醬: 呢個係朋友點既，佢話好鐘意豬鞍係夾有脂肪既部分，一齊食落去係滿口既油香。點埋青蘋果醬來食，完全無肥膩既感覺。我有試一D，覺得豬肉同蘋果醬既搭配，都好夾，係好味既!波士頓龍蝦香酥盒（季節限定): 一上檯，完全係心心眼。龍蝦係好新鮮，爽口清甜，大啖咬既感覺，真係好幸福。切開酥皮盒，裡面都係裝住
餐廳環境好華麗，濃濃既宮廷風，餐廳既佈置明顯十分用心，好多精緻既小物件擺設，到處都係打卡影相位，而且餐廳環境闊落，亦都唔需要擔心影到其他食客，檯同檯之間都好有空間。一坐低未食嘢，心情已經好好，少女心即時爆發。
餐廳仲有一個露台，對出既景觀好開揚，只有一張檯。成個環境真係好浪漫好靚，啱曬二人世界撐檯腳！
蟹肉芒果卷伴牛油果沙律：佢地D擺盤真係好靚，啱曬相機食先，芒果蟹肉卷都好清新開胃！
南瓜湯: 南瓜湯清甜，口感又厚又滑!
香濃蠔湯: 真係驚艷，非常鮮味，食得出係用新鮮蠔整！
餐包有3款，仲有餅乾條，用來點湯或者就咁食都可以！
慢煮西班牙栗飼豬鞍配青蘋果沙律及焦糖蘋果醬: 呢個係朋友點既，佢話好鐘意豬鞍係夾有脂肪既部分，一齊食落去係滿口既油香。點埋青蘋果醬來食，完全無肥膩既感覺。我有試一D，覺得豬肉同蘋果醬既搭配，都好夾，係好味既!
波士頓龍蝦香酥盒（季節限定): 一上檯，完全係心心眼。龍蝦係好新鮮，爽口清甜，大啖咬既感覺，真係好幸福。切開酥皮盒，裡面都係裝住龍蝦肉，可見佢地起曬D肉出來。真係好好味，有美食相伴既生活，感覺幾難行都可以跨過去，美食真係可以叉滿電！
玫瑰咖啡 & 焦糖咖啡: 個玫瑰拉花好靚呀，咖啡都好醇!
梨肉蛋糕: 超可愛！！朱古力造既聖誕樹我都食埋，為呢餐飯，畫上一個完美既句號！
總括黎講，環境靚，嘢食正，服務好，值得推介！
張貼
