串燒王 (登龍街)

營業中

休息中

夜晚餓餓哋點算好？呢間串燒店有多間分店，由夜晚六點開到凌晨六點！肉類、海鮮、菜品、炸物、小食、主食、甜點、飲品等樣樣有齊。店內環境唔大，住喺附近嘅建議可外賣返去慢慢嘆。店員推介巴蜀炒米粉，果然有料到，香氣四溢，炒至乾身，有鑊氣，搭配各種配菜，相比起撈丁更加健康，宵夜食罪惡感都無咁大🤣 特級肥牛炒烏冬同樣出色，肥牛嫩滑，烏冬彈牙又入味。私心推介小饅頭，三細塊，已調好味，越食越上癮。串燒方面要咗幾款試試，有脆香魚腐、雞脾菇、土豆片、豆卜、娃娃菜同翠玉瓜。值得一讚嘅係燒完仍然保持到水份，性價比高。